2025 – Drejtoria e Përgjithshme e Pronësisë Industriale

Marrëveshje Bashkëpunimi për Mbrojtjen e Pronësisë Industriale.

Është nënshkruar Marrëveshja e Bashkëpunimit mes Drejtorisë së Përgjithshme të Pronësisë Industriale, e nënshkruar nga znj. Maria Solis Kapedani, Drejtori i Përgjithshëm i Komanduar, dhe z. Rahim Spahiu, Kryetar i Bashkisë Dibër, me qëllim promovimin dhe mbrojtjen
e pronësisë industriale.

Qëllimi i Bashkëpunimit

Fokusi kryesor i kësaj marrëveshjeje është organizimi i aktiviteteve të përbashkëta, panaire dhe iniciativa të tjera për të sensibilizuar bizneset e qytetit të Peshkopisë dhe për të garantuar mbrojtjen e pronësisë intelektuale.

Objektivat Kryesore

1. Organizimi i aktiviteteve për mbrojtjen dhe regjistrimin e pronës industriale për bizneset e Peshkopisë.

2. Organizimi i tryezave të rrumbullakëta dhe sesioneve diskutimi për mbrojtjen e pronës industriale.

3. Shkëmbimi i informacionit mbi pronësinë industriale mes palëve, për të fuqizuar bashkëpunimin dhe ndërgjegjësimin.

Ky është një hap i rëndësishëm në zhvillimin dhe mbrojtjen e bizneseve dhe ideve inovative në rajon!

Lajm kryesorMarrëveshje Bashkëpunimi

Takimi Tre-Palësh për Forcimin e Bashkëpunimit Rajonal në Fushën e Pronësisë Industriale

Drejtoria e Përgjithshme e Pronësisë Industriale (DPPI) organizoi një takim tre-palësh me homologët e saj nga Kosova dhe Maqedonia e Veriut, në kuadër të bashkëpunimit rajonal për çështjet e pronësisë industriale.

Ky takim shënon një hap të rëndësishëm në thellimin e marrëdhënieve institucionale dhe koordinimin e projekteve të përbashkëta, me synimin për të përmirësuar shërbimet dhe përfaqësimin ndërkombëtar të rajonit.

Delegacionet pjesëmarrëse u mirëpritën nga Drejtori i Përgjithshëm i Komanduar i DPPI, znj. Maria Solis Kapedani.

Pjesëmarrësit në takim:

Z. Avdi Krasniqi – Drejtor i Përgjithshëm i Agjencisë së Pronësisë Industriale të Kosovës

Z. Eljesa Neziri – Drejtor i Përgjithshëm i Entit për Pronësi Industriale të Maqedonisë së Veriut

Gjatë diskutimeve, u theksua rëndësia e bashkëpunimit të ngushtë mes institucioneve homologe për të ndërtuar një sistem më efikas dhe të harmonizuar të pronësisë industriale në rajon. Palët u angazhuan për forcimin e shkëmbimit të përvojave, zhvillimin e projekteve të përbashkëta dhe avancimin e shërbimeve për qytetarët dhe bizneset.

Ky takim konfirmon angazhimin e përbashkët për një rajon më të integruar dhe inovativ, ku pronësia industriale luan një rol kyç në zhvillimin ekonomik dhe nxitjen e sipërmarrjes.

Lajm kryesorMarrëveshje Bashkëpunimi

Shqipëria dhe Çekia forcojnë bashkëpunimin në fushën e Pronësisë Industriale

Drejtoria e Përgjithshme e Pronësisë Industriale e Republikës së Shqipërisë 🇦🇱 dhe Drejtoria e Pronësisë Industriale e Republikës së Çekisë 🇨🇿 kanë nënshkruar një Memorandum Mirëkuptimi, duke hedhur bazat për një bashkëpunim të zgjeruar dhe afatgjatë në fushën e pronësisë industriale.

Ky memorandum synon të forcojë kapacitetet institucionale dhe rregullatore, duke krijuar mundësi konkrete për shkëmbimin e njohurive dhe eksperiencave më të mira. Fushat kryesore të bashkëpunimit përfshijnë:

· Përmirësimin e legjislacionit dhe harmonizimin e tij me praktikat më të mira evropiane;

· Shkëmbimin e informacionit mbi zhvillimet dhe politikat në fushën e pronësisë industriale;

· Trajnime dhe programe zhvillimi për profesionistët dhe aktorët e interesuar në këtë sektor;

· Organizimin e konferencave, seminareve dhe workshop-eve për të nxitur inovacionin.

Ky bashkëpunim i ri do të kontribuojë në krijimin e një ekosistemi të fortë të pronësisë industriale, duke mbështetur bizneset, shpikësit dhe akademinë në të dy vendet.

Lajm kryesorMarrëveshje Bashkëpunimi

Vizita Studimore e Zyrës Greke të Pronësisë Industriale në Tiranë

Drejtoria e Përgjithshme e Pronësisë Industriale (DPPI) priti në Tiranë një delegacion nga Zyra Greke e Pronësisë Industriale të Republikës së Greqisë, në kuadër të bashkëpunimit të ngushtë mes institucioneve tona.

Përbërja e Delegacionit:

z. Panagiotis Kanellopoulos – Drejtor i Përgjithshëm i Zyrës Helenike të Pronësisë Industriale

znj. Catherine Margellou – Zëvendësdrejtoreshë e Përgjithshme dhe Drejtore e Mbështetjes Ligjore

znj. Myrto Lambrou Maurer – Përgjegjëse për Çështjet Ndërkombëtare

Delegacioni u mirëprit nga znj. Maria Solis Kapedani, Drejtor i Përgjithshme i Komanduar i DPPI-së, së bashku me drejtorët e drejtorive dhe departamenteve përkatëse.

Bashkëpunimi me Zyrën Greke:

DPPI ka nënshkruar një marrëveshje bashkëpunimi me Zyrën Greke të Pronësisë Industriale, me qëllim forcimin e marrëdhënieve institucionale dhe shkëmbimin e përvojave në fushën e pronësisë industriale.

Objektivat e Vizitës:

Shkëmbimi i praktikave më të mira mbi proceset e digjitalizuara të aplikimeve

Raportet e kërkimit dhe procedurat e ekzaminimit

Diskutime mbi përditësimet ligjore dhe shkëmbimi i informacionit mbi legjislacionin e pronësisë industriale

Ky bashkëpunim ndihmon në rritjen e kapaciteteve institucionale dhe përmirësimin e shërbimeve për inovatorët dhe bizneset.

Lajm kryesorMarrëveshje Bashkëpunimi

Marrëveshje Bashkëpunimi mes DPPI dhe Bashkisë Lezhë

Marrëveshje Bashkëpunimi mes Drejtorisë së Përgjithshme të Pronësisë Industriale dhe Bashkisë Lezhë

Drejtoria e Përgjithshme e Pronësisë Industriale (DPPI) dhe Bashkia Lezhë kanë nënshkruar një marrëveshje bashkëpunimi me qëllim rritjen e ndërgjegjësimit dhe mbështetjes për bizneset lokale.

Marrëveshja u nënshkrua nga znj. Maria Solis Kapedani, Drejtor i Përgjithshëm i Komanduar i DPPI dhe z. Pjerin Ndreu, Kryetar i Bashkisë Lezhë.

Objektivat kryesore të kësaj marrëveshjeje përfshijnë: Rritjen e ndërgjegjësimit të biznesit për të drejtat që ata gëzojnë në lidhje me markën tregtare, disenjot industriale dhe treguesit gjeografikë të regjistruar. Përgatitjen e materialeve promovuese dhe broshurave që do të shpërndahen në mjediset e Bashkisë Lezhë.

Ky hap i rëndësishëm do të ndihmojë në forcimin e mbrojtjes së pronësisë industriale dhe promovimin e mundësive për bizneset në rajonin e Lezhës.

Lajmet

DPPI, njofton të interesuarit se në mbështetje të pikës 3 të nenit, 193/b, të Ligjit nr. 9947, datë 07.07.2008, “Për Pronësinë Industriale”, i ndryshuar,

Drejtoria e Përgjithshme e Pronësisë Industriale, njofton të interesuarit se në mbështetje të pikës 3 të nenit, 193/b, të Ligjit nr. 9947, datë 07.07.2008, “Për Pronësinë Industriale”, i ndryshuar, të paraqesin pranë zyrës së protokollit aplikimin e tyre për të kandiduar si anëtarë të Bordit të Apelit.

Gjithashtu në zbatim të pikës 1 të nenit 193/b të ligjit Nr.9947, datë 7.7.2008 “Për Pronësinë Industriale”, i ndryshuar, citohet se: “Bordi i Apelit përbëhet nga pesë anëtarë, nga të cilët dy janë punonjës të DPPI-së dhe tre anëtarë të jashtëm të fushës së PI-së, të cilët plotësojnë kushtet për ekspertë të PI-së. Anëtarët e Bordit të Apelit nuk mund të jenë përfaqësues të autorizuar.”

Me ndryshimet e reja ligjore, parashikohet se pjesë e Bordit të Apelit duhet të jenë dy përfaqësues nga Drejtoria e Përgjithshme e Pronësisë Industriale dhe 3 anëtarë të jashtëm.

Afati për dorëzimin e aplikimeve është deri më datë 15 Shkurt 2025.

Ftohen të interesuarit të paraqesin aplikimet e tyre pranë protokollit të institucionit

Lajmet

Drejtoria e Përgjithshme e Pronësisë Industriale, njofton të interesuarit se në mbështetje të pikës 3 të nenit, 193/b, të Ligjit nr. 9947, datë 07.07.2008, “Për Pronësinë Industriale”

Me ndryshimet e reja ligjore, parashikohet se pjesë e Bordit të Apelit duhet të jenë dy përfaqësues nga Drejtoria e Përgjithshme e Pronësisë Industriale dhe 3 anëtarë të jashtëm.

Afati për dorëzimin e aplikimeve është deri më datë 15 Shkurt 2025.

Ftohen të interesuarit të paraqesin aplikimet e tyre pranë protokollit të institucionit.

Aktivitete të qendrës

Workshopet për Hartimin e Strategjisë së Qendrës së Trajnimeve: Bashkëpunimi me Projektin ALSIP dhe Partnerët e IP-së

Gjatë datave 6-9 Mars, Drejtori i Përgjithshëm i Drejtorisë së Përgjithshme të Pronësisë Industriale, mirëpriti pranë Qendrës së Trajnimeve, ekspertin z. Andreas Kurt, udhëheqesin kryesor në draftimin e Strategjisë për Qendrën e Trajnimeve.

Ky proces u mundësua në bashkëpunim me projektin shqiptaro-zvicerian ALSIP, i cili prej tre vitesh mbështet veprimtarinë e DPPI për ndërgjegjësimi dhe fuqizimin e PI-së në.

Gjatë këtyre datave u organizuan një cikël workshopesh në funksion të përcaktimit të objektivave që strategjia do të përmbajë në terma afatgjatë.

Eventi final i këtij rrugëtimi ishte ai i datës 9 Mars “Breakfast with IP Stockholders”.

Vendosëm së bashku next steps dhe nëpërmjet një workshopi organizuar nga Drejtori i Përgjithshëm si dhe përcaktuam kontributin e secilit nga partnerëve tanë në përmbushjen e objektivave të Strategjisë.

Në përfundim të takimit të gjithë partnerët shprehen vlerësimin për mënyrat inovatore të përdorura në draftimin e Strategjisë, si një dokument shumë i domosdoshëm për ta kthyer Qendrën e Trajnimeve në një qendër akademike të mirëfilltë ku të gjithë të interesuarit të marrin shërbim të specializuar në fushën e pronësisë intelektuale.

DPPI shpreh mirënjohjen për të gjithë grupin e punës për kontributin e vyer në draftimin e kësaj Strategjie.

Aktivitete të qendrës

Misioni i Ekspertit Andreas Kurt për Hartimin e Strategjisë së Qendrës së Trajnimeve në Kuadër të Projektit ALSIP

Në kuadër të projektit shqiptaro-zvicerian në fushën e pronësisë intelektuale – ALSIP, patëm kënaqësinë të kishin të pranishëm në vendin tonë në një mision 3 ditor z.Andreas Kurt, ekspert mbi fushën e Pronësise Intelektuale, konsulent për ekosistemin e Inovacionit.

Qëllimi i këtij misioni, kërkuar nga ana e Drejtorisë së Përgjithshme të Pronësisë Industriale ( DPPI) ishte hartimi i një strategjie dhe plan promovimi për Qendrën e Trajnimeve, e cila duhet të ofrojë njohuri të specializuara në këtë fushë si dhe identifikimi i ekosistemit të inovacionit në vendin tonë.

Z. Kurt u njoh më nga afër me Qendrën e Trajnimit, stafin dhe logjistikën e nevojshme për hartimin e strategjisë dhe funksionimin e qendrës.

Me të gjithë institucionet tona partnere, pjesë e zinxhirit institucional, patëm mundësinë të diskutonim mbi mënyrat dhe gjetjen e faciliteteve për zhvillimin e mëtejshëm të planit strategjik për Qendrën, për të identifikuar së pari target grupin që do të jetë pjesë e ciklit të trajnimeve.

Ndamë së bashku nevojën e forcimit të bashkëpunimit në kuadër dhe të hartimit të strategjisë afat-gjatë mbi funksionimin e Qendrës së Trajnimeve, ku do të pasohet me një “follow up” gjatë muajit Nëntor.

Aktivitete të qendrës

Finalizohet Trajnimi i Parë me Çertifikatë mbi Objektet e Pronësisë Industriale në DPPI

Qendra e Trajnimeve pranë DPPI-së ka kënaqësinë t’ju njoftojë se finalizuam të parin trajnim me çertifikatë mbi objektet e PI-së.

Ky trajnim u realizua në mbështeje të Vendimit nr. 457, datë 3.7.2019 “Për miratimin e proçedurave për pjesëmarrje në Qendrën e Trajnimeve në fushën e PI-së” si dhe në Vendimin nr.327 datë 18.05.2022 “Mbi përcaktimin e tarifave përkatëse për shpërblimin e lektorëve”.

Trajnimi me titull: “Markat tregtare, Disenjot Industriale, Treguesit Gjeografik, rëndësia dhe procedura e regjistrimit” u ofrua në 6 orë në datat 15- 17 2022 Qershor, nga stafi i DPPI-së në bashkëpunim me ekspertin e Zhvillimit Rural, z. Roland Bardhi.

Secila nga ditët mbajti barrën e rëndësisë së një objekti, nisur nga koncepti deri tek mënyra e regjistrimit, përfitimet ekonomike dhe garancia e konkurencës së ndershme në tregun e lirë.

Duke filluar me markën tregtare, disenjon industriale për ta përmbyllur me treguesit gjeografikë falë rasteve të praktikës tonë administrative, të demostrojmë nga afër misionin e drejtorisë dhe impaktin direkt që ajo ka jo vetëm në mbrojtjen e objekteve të PI-së, por mbi të gjitha në promovimin e të gjithë të drejtave që burojnë falë kësaj mbrojtjeje.

Marrëveshje Bashkëpunimi për Mbrojtjen e Pronësisë Industriale.

Takimi Tre-Palësh për Forcimin e Bashkëpunimit Rajonal në Fushën e Pronësisë Industriale

Shqipëria dhe Çekia forcojnë bashkëpunimin në fushën e Pronësisë Industriale

Vizita Studimore e Zyrës Greke të Pronësisë Industriale në Tiranë

Marrëveshje Bashkëpunimi mes DPPI dhe Bashkisë Lezhë

DPPI, njofton të interesuarit se në mbështetje të pikës 3 të nenit, 193/b, të Ligjit nr. 9947, datë 07.07.2008, “Për Pronësinë Industriale”, i ndryshuar,

Drejtoria e Përgjithshme e Pronësisë Industriale, njofton të interesuarit se në mbështetje të pikës 3 të nenit, 193/b, të Ligjit nr. 9947, datë 07.07.2008, “Për Pronësinë Industriale”

Workshopet për Hartimin e Strategjisë së Qendrës së Trajnimeve: Bashkëpunimi me Projektin ALSIP dhe Partnerët e IP-së

Misioni i Ekspertit Andreas Kurt për Hartimin e Strategjisë së Qendrës së Trajnimeve në Kuadër të Projektit ALSIP

Finalizohet Trajnimi i Parë me Çertifikatë mbi Objektet e Pronësisë Industriale në DPPI

Kontakt

RRJETET SOCIALE

Vendndodhja

Kalendari