Përmes këtij trajnimi, pjesëmarrësit po marrin njohuri praktike mbi:

1. rëndësinë dhe rolin e objekteve të pronësisë industriale;
2. përfitimet që sjell mbrojtja e tyre;
3. procedurat dhe mënyrat e aplikimit;
4. mundësitë që krijon pronësia industriale për të mbrojtur dhe fuqizuar një ide, një markë apo një krijim.

Trajnimi udhëhiqet nga Albana Karapanco, eksperte e jashtme e cila po përcjell njohuri dhe përvojë praktike mbi mënyrën se si një ide, një krijim apo një markë mund të mbrohet dhe të shndërrohet në vlerë.

DPPI vijon të investojë në informimin dhe fuqizimin e qytetarëve, duke u dhënë atyre njohuritë praktike për të kuptuar më mirë të drejtat që burojnë nga pronësia industriale dhe mënyrën se si ato mund të shërbejnë si një avantazh për biznesin dhe zhvillimin e ideve të reja.

Zhvilluam takime me bizneset prodhuese të qytetit, ku diskutuam mbi rëndësinë e mbrojtjes së pronësisë industriale, regjistrimit të markave dhe promovimit të produkteve shqiptare.

Përmeti, me traditën dhe produktet e tij të veçanta, ka një potencial të madh për krijimin dhe zhvillimin e markave tregtare.

DPPI pranë biznesit, për më shumë informim, mbrojtje dhe zhvillim!

Korça u bë ndalesa e radhës e turit informues të Drejtorisë së Përgjithshme të Pronësisë Industriale, ku u zhvilluan takime me sipërmarrës dhe përfaqësues të bizneseve lokale për të diskutuar rëndësinë e mbrojtjes së pronësisë industriale.

Gjatë bashkëbisedimeve u vu theksi te rëndësia e regjistrimit të markës tregtare si një mjet për mbrojtjen e identitetit të biznesit dhe rritjen e konkurrueshmërisë në treg.

Interesi dhe angazhimi i përfaqësuesve të bizneseve të informuara dëshmuan për një vëmendje në rritje ndaj mbrojtjes së aseteve të pronësisë industriale.

Në prag të sezonit turistik, zhvilluam takime me subjektet e hoteleri-turizmit në qytetin e Sarandës, për të theksuar rëndësinë e Pronësisë Industriale si një element kyç në mbrojtjen dhe promovimin e bizneseve turistike.

Markat tregtare, identiteti i biznesit dhe produktet autentike janë vlera që meritojnë mbrojtje, sidomos në një qytet turistik me potencial të lartë si Saranda.

Përmes këtyre takimeve, synojmë të rrisim ndërgjegjësimin e bizneseve mbi rëndësinë e mbrojtjes dhe regjistrimit të të drejtave të pronësisê industriale në

DPPI zhvillon trajnim ndërgjegjësues me nxënësit e shkollës “Sami Frashëri” mbi Pronësinë Industriale

Në kuadër të aktiviteteve për rritjen e ndërgjegjësimit tek të rinjtë mbi rëndësinë e Pronësisë Industriale, DPPI zhvilloi një trajnim informues me nxënësit e shkollës “Sami Frashëri”.

Gjatë aktivitetit, nxënësit u njohën me konceptet kryesore të Pronësisë Industriale, rëndësinë e mbrojtjes së inovacionit dhe krijimeve, si dhe me objektet e saj, duke përfshirë markat tregtare, patentat, dizajnet industriale dhe treguesit gjeografikë.

Trajnimi synoi të rrisë njohuritë dhe ndërgjegjësimin e të rinjve mbi rolin e Pronësisë Industriale në mbështetjen e inovacionit, kreativitetit dhe zhvillimit ekonomik, duke nxitur një kulturë më të hershme të respektimit dhe mbrojtjes së ideve dhe krijimeve.

https://www.facebook.com/reel/981943881243142

Përfaqësues nga Drejtoria e Përgjithshme e Pronësisë Industiale zhvilluan një leksion të hapur mbi mbrojtjen e shpikjeve nëpërmjet patentave dhe modeleve të përdorimit me nxënësit e shkollës Harry Fultz.

Çështjet kryesore që u trajtuan gjatë këtij takimi ishte njohja me patentat, mënyra e aplikimit në portalin e-albania, procedurat e regjistrimit dhe kërkimi në regjistrat kombëtar dhe ndërkombëtar të patentave.

Ndërgjegjësimi i brezave të rinj mbi rëndësinë e mbrojtjes së krijimtarisë së tyre nëpërmjet objekteve të pronësisë industiale dhe mbetet një nga prioritetet kryesore të DPPI

https://www.facebook.com/reel/1588362676205335

Të rinjtë dhe inovacioni u bënë bashkë në gjimnazin Gjimnazi “Ismail Qemali”, ku zhvilluam një leksion të hapur mbi rëndësinë e Pronësisë Industriale dhe rolin e saj në mbrojtjen e ideve, markave, inovacionit dhe krijimtarisë së brezit të ri.

Këto orë të hapura mësimore do të vijojnë gjatë muajit maj edhe në gjimnaze të tjera të Tiranës, me synimin për të rritur ndërgjegjësimin dhe informimin e të rinjve mbi këtë fushë me rëndësi për inovacionin dhe zhvillimin

Kënaqësi e veçantë ishte pjesëmarrja e përfaqësuesve nga Agjencia për Pronësinë Industriale e Republikës së Kosovës, të cilët u njohën me eksperiencën dhe përvojën e DPPI në organizimin e aktiviteteve të tilla.

Falenderim për stafin pedagogjik dhe nxënësit për mikpritjen dhe atmosferën pozitive gjatë kësaj ore të vlefshme mësimore!

https://www.facebook.com/people/Drejtoria-e-Pergjithshme-e-Pron%C3%ABsis%C3%AB-Industriale/100064419172501

Drejtoria e Përgjithshme e Pronësisë Industriale (DPPI) 🇦🇱njofton përfaqësuesit e autorizuar, aplikantët dhe subjektet e interesuara se në datat 13 dhe 27 gusht 2026, në intervalin orar 12:00 – 15:00, do të organizojë takime individuale (Open Day) për rastet kur kërkohen sqarime lidhur me shërbimet të cilat DPPI ofron. Për të rezervuar takim, subjektet e interesuara ftohen të paraqesin paraprakisht kërkesën e tyre në adresën elektronike:

E-mail: info@dppi.gov.al 

Në kërkesë duhet të specifikohet shkurtimisht çështja apo problematika për të cilën kërkohet sqarim. Pas shqyrtimit të kërkesës, DPPI do të caktojë një orar takimi sqarues sipas disponueshmërisë gjatë periudhës së sipërpërmendur.

THIRRJE PËR APLIKIME

Young Inventors Prize 2027

Drejtoria e Përgjithshme e Pronësisë Industriale (DPPI) informon të gjithë studentët, të sapodiplomuarit, inovatorët e rinj, sipërmarrësit dhe të rinjtë me ide inovative për arsye se  Zyra Evropiane e Patentave (European Patent Office – EPO) ka hapur thirrjen për nominime  “Young Inventors Prize 2027”.

Young Inventors Prize vlerëson shpikësit e rinj nga e gjithë bota, të cilët, përmes krijimtarisë dhe inovacionit, zhvillojnë zgjidhje konkrete për adresimin e sfidave globale të qëndrueshmërisë, në përputhje me Objektivat e Zhvillimit të Qëndrueshëm të Kombeve të Bashkuara (UN Sustainable Development Goals – SDGs).

Çmimi synon të promovojë dhe mbështesë brezin e ri të inovatorëve, duke i dhënë mundësi të prezantojnë shpikjet e tyre në një platformë ndërkombëtare dhe të fitojnë njohje për kontributin e tyre në zhvillimin e teknologjive dhe zgjidhjeve me ndikim pozitiv për shoqërinë.

Aplikimet janë të hapura për kandidatë nga e gjithë bota dhe nuk është e nevojshme që shpikja të jetë e patentuar.

Afati i fundit për paraqitjen e nominimeve është 30 shtator 2026.

DPPI inkurajon të gjithë të rinjtë shqiptarë me ide dhe shpikje inovative të aplikojnë dhe të përfaqësojnë Shqipërinë në këtë iniciativë prestigjioze ndërkombëtare.

Për më shumë informacion:

• Platforma e nominimit: https://epo.newsweaver.co.uk/EUROPEAN-INVENTOR-AWARD/1xitqbmss3f76m7frywxr6/external?email=true&lang=en&a=6&p=66901237&t=30524067
• Kriteret e pranueshmërisë, procedura e aplikimit dhe informacioni i plotë: https://epo.newsweaver.co.uk/EUROPEAN-INVENTOR-AWARD/16276hu1s5t76m7frywxr6/external?email=true&lang=en&a=6&p=66901237&t=30524067

DPPI fton gjithashtu universitetet, institucionet e arsimit të lartë, qendrat e kërkimit, laboratorët e inovacionit, organizatat mbështetëse të sipërmarrjes dhe të gjithë aktorët e ekosistemit të inovacionit ta shpërndajnë këtë thirrje, me qëllim që sa më shumë kandidatë të kualifikuar nga Shqipëria të kenë mundësinë të aplikojnë.