Nënshkruhet Memorandumi i Bashkëpunimit Drejtorisë së Përgjithshme të Pronësisë Industriale dhe Dhomës Kombëtare të Ndërmjetësve.

Drejtori i Përgjithshëm i DPPI-së, Znj. Ledina Beqiraj nënshkroi Memorandumin e Bashkëpunimit ndërmjet Drejtorisë së Përgjithshme të Pronësisë Industriale dhe Dhomës Kombëtare të Ndërmjetësve, përfaqësuar nga znj. Drita Avdyli, në cilësinë e Kryetares së Dhomës.

Objektivi kryesor i nënshkrimit të këtij dokumenti bashkëpunimi është identifikimi i mekanizmave dhe modaliteteve të tjera të shpërndarjes së informacionit në lidhje me të drejtat e pronësisë industriale, ku në bashkëpunim me ndërmjetësit, në Dhomën Kombëtare të Ndërmjetësve të përçohet informacioni i duhur për subjektet/bizneset dhe/ose përdorues të ndryshëm të pronësisë industriale. Organizimi i aktiviteteve të përbashkëta, intershipe, praktika apo takime për dhënien e njohurive praktike mbi çështjet e pronësisë industriale, shkëmbimi i ndërsjelltë i informacionit midis dy institucionenve do të jenë shtyllat kryesore të bashkëpunimit.

Delegacioni i Drejtorisë së Përgjithshme të Pronësisë Industriale kryesuar nga Drejtori i Përgjithshëm, znj.Ledina Beqiraj zhvilloi takim me përfaqësues të Agjencisë për Pronësi Industriale të Republikës së Kosovës në kuadër të nxitjes së bashkëpunimit mes dy institucioneve.
✍ Z. Nezir Gashi, drejtor i API cilësoi si shumë të rëndësishëm bashkëpunimin me Drejtorinë e Përgjithshme të Pronësisë Industriale të Shqipërisë. Ai theksoi se shkëmbimi i përvojave mes këtyre dy institucioneve është ndihmesë e madhe për zhvillimin e mëtejshëm të fushës së PI-së në të dyja vendet.
Pas prezantimit që të dyja palët bënë lidhur me aktivitetin e punës institucionale bashkëbisedimi u fokusua në gjetjen e mënyrave dhe modalitetet e forcimit të bashkëpunimit që do të vijojnë mes zyrave.
Marrëveshja e bashkëpunimit parashikon realizimin e aktiviteteve të përbashkëta kryesisht në promovimin e pronësisë industriale si dhe forcimin e sistemeve kombëtare të PI.
Komiteti i Monitorimit i ngritur nga përfaqësues të dy institucioneve, për zbatimin e marrëveshjes së nënshkruar në Pejë, do të ndjekë në vijimësi aktivitetet e parashikuara në këtë fushë.
Pas vlerësimit të nevojave dhe hartimit të planit të veprimit, vizita e radhës do të jetë e palës homologe të Kosovës parashikuar për tu realizuar brenda vitit 2020.

Drejtoria e Përgjithshme e Pronësisë Industriale ka finalizuar nënshkrimin e marrëveshjes për reduktimin e tarifës së raportit të kërkimit me Zyrën Europiane të Patentave.
Shpikësit e pavarur, sipërmarrjet e vogla dhe të mesme, universitetet dhe organizatat jo fitimprurëse përfitojnë ulje me 75% të tarifës bazë, rreth 100 aplikime shqiptare.

• Avantazh – aplikantët shqiptarë në depozitimin pranë DPPI-së kanë reduktim të tarifës për çdo:
• Aplikim Ndërkombëtar për patentë për shpikje, bazuar në marrëveshjen në fushën e patentave,
• Aplikim kombëtar për patentë të depozituar në DPPI.

Promovimi i produkteve “Made in Albania”

U mbajt eventi për produket “Made in Albania” i organizuar nga Ministria e Financave dhe Ekonomisë dhe Drejtoria e Përgjithshme e Pronësisë Industriale nën sloganin “Mbro të drejtat e pronësisë industriale përmes regjistrimit në DPPI”.

U theksua rëndësia e promovimit të shërbimeve të DPPI, të cilat që nga data 15 korrik kanë filluar të ofrohen online për të gjithë të interesuarit. Për DPPI është shumë e rëndësishme që aplikimi të jetë sa më i thjeshtë, elementar dhe lehtësisht i aksesueshëm për qytetarët në mënyrë të intersuarit të mos humbin kohë në sportelet dhe radhët e gjata.

Dy biznese dhe marka të regjistruara pranë DPPI, Tradita Popullore – Edlira dhe ONUS & VIP TIE 3D ndanë me të ftuarit eksperiencën e tyre në tregun shqiptar, dhe rëndësinë që ka regjsitrimi i të drejtave të pronësisë industriale.

Znj. Ledina Beqiraj, e shoqëruar nga përfaqësues të tjerë të Drejtorisë së Përgjithshme të Pronësisë Industriale vijuan sot takimet me biznesin në qytetin e Pogradecit, në kuadër të fushatës ndërgjegjësuese që DPPI ka ndërmarrë lidhur me regjistrimin e objekteve të PI, detyrim që buron nga Strategjia Kombëtare e Pronësisë Industriale 2016-2020.

Të një rëndësie të veçantë janë takimet që u zhvilluan me kryetarin e Dhomës së Tregtisë të qytetit të Pogradecit, z. Nexhmi Tora dhe përfaqësues të Qendrës Kombëtare të Biznesit.

Turi vijoi me takime në Kantinën e Verës Blacëri, Kompaninë Prodhim qumështi Vita 2001.

Ndalesa pati dhe në biznese të tjera vendase të këtij qyteti.

Drejtoresha e Përgjithshme znj. Beqiraj në këto takime shpjegoi rëndësinë që ka kjo fushë për të gjitha bizneset shqiptare dhe përfitimet që i vijnë subjekteve nga regjistrimi dhe promovimi i këtyre të drejtave ne vendin tonë.

The EU financed IPA Twinning project entitled
“Strengthening the Protection and the Enforcement of Intellectual Property Rights’’
AL 17 IPA FI  01 20
is seeking to recruit
ASSISTANT TO RESIDENT TWINNING ADVISOR (RTA ASSISTANT)

BACKGROUND INFORMATION

Contract objectives and expected results

Provision of services as Assistant to the Resident Twinning Advisor (hereinafter “RTA”) under the Twinning Project AL 17 IPA FI  01 20  “Strengthening the Protection and the Enforcement of Intellectual Property Rights” with the objective of supporting the Republic of Albania in aligning the standard of protection and enforcement of Intellectual Property Rights with EU Best Practices in order to effectively conduct accession negotiations and successfully manage overall EU integration and pre-accession assistance.

Beneficiary Country

Albania

Contracting Authority

• General Directorate for Financing and Contracting of EU, World Bank and Other Donor Funds (CFCU);
• Delegation of the European Union to Albania (EUD).

SCOPE OF THE WORK

RTA Assistant will provide administrative support and accounting assistance to the Resident Twinning Adviser (RTA) and Twinning Partners during the whole duration of the Twinning Project and, in particular, support the effective delivery of the Twinning Contract mandatory results, ensuring a good flow of communications and coordinating the different Twinning partners; administrative support on a daily basis to the Member State`s experts involved for short-term working missions to the Beneficiary Country within the Project’s framework.

He/she will also provide linguistic assistance (interpretation and translation), in Albanian/English, during the implementation of the Twinning project.

He/she will work under the supervision of and report to the RTA.

Download full content

Raporti vjetor i Drejtorisë së Përgjithshme të Pronësisë Industriale është një instrument i rëndësishëm transparence dhe llogaridhënie në të cilin ne synojmë të prezantojmë rezultatet dhe punën tonë gjatë harkut kohor të një viti kalendarik.Drejtoria e Përgjithshme e Pronësisë Industriale ka si mision të forcojë mbrojtjen e pronësisë industriale brenda territorit shqiptar nëpërmjet njohjes, regjistrimit, dhe promovimit të këtyre të drejtave, për të garantuar një nivel mbrojtjeje të njëjtë me atë të vendeve të Bashkimit Evropian.

Si rezultat i ndërgjegjësimit të qytetarëve dhe bizneseve mbi rëndësinë që ka regjistrimi i objekteve të PI-së, për vitin 2019 në Drejtorinë e Përgjithshme të Pronësisë Industriale janë depozituar:

• • 1157 aplikime kombëtare;
• • 2664 aplikime për shtrirje ndërkombëtare për regjistrim marke
• • 913 aplikime për patenta;
• • 1 aplikim për modele përdorimi;
• • 16 kërkesa për regjistrim kombëtar të disenjove industriale;
• • 1 kërkesë në lidhje me treguesit gjeografikë.

Me kënaqësi shprehem se viti 2019 është finalizuar me rezultate të kënaqshme për Drejtorinë e Përgjithshme të Pronësisë Industriale.

Shifrat e këtij viti vijnë si rezultat i ndërgjegjësimit të biznesit vendas mbi rëndësinë që regjistrimi i objekteve të pronësisë industriale ka, por edhe të kompanive të huaja të cilat kanë treguar interesin e tyre për tregun shqiptar.

Këto rezultate janë një reflektim i punës së të gjithë aktorëve të përfshirë në sistemin e Pronësisë Industriale, të cilët kanë qenë një faktor kyç në finalizimin me sukses të detyrave dhe objektivave që burojnë nga “Strategjia Kombëtare e Pronësisë Intelektuale 2016-2020”.

Drejtori i Përgjithshëm

Ledina BEQIRAJ

Drejtoria e Përgjithshme e Pronësisë Industriale njofton të interesuarit se më datë 10 shtator do të organizohet online një “Seminar Rajonal per Gjyqtarët dhe Zbatuesit e PI në lidhje me çështjet e pronësisë intelektuale”.

Ky aktivitet organizohet për të pestin vit radhazi nga Zyra e Letonisë për Pronësinë Intelektuale në bashkëpunim me Organizatën Botërore të Pronësisë Intelektuale dhe me Zyrën e Pronësisë Intelektuale të Bashkimit Europian (EUIPO).

Objektivi kryesor i këtij seminari është të mbledhë së bashku të gjithë përfaqësuesit e sistemit të drejtësisë, gjyqtarët dhe zbatuesit profesionistë të PI për të diskutuar mbi zhvillimet më të fundit në fushën e pronësisë intelektuale dhe sidomos një nga fushat më kritike mbetet zbatimi I të drejtave të PI-së.

Do të ketë folës të shquar nga Gjykata e Lartë e Letonisë, Gjykata Federale e Gjermanisë, Gjykata e Hagës, Universiteti I Varshavës etj.

Çështjet kryesore që do të diskutohen do të jenë Patent litigation, mbrojtja e shenjave dalluese të paregjistruara, mbrojtja dhe zbatimi i të drejtave të PI-së në dritën e të drejtave themelore, Sistemi i Klasifikimit të Nicës etj.Gjuha e seminarit do të jetë anglisht.

Për më shumë informacion navigoni në linkun:

https://www.lrpv.gov.lv/en?fbclid=IwAR3zxsWPx5t5HF2lXDt7MQqeylVMealhjPc75A_H1mmI_ycg3Onc5tQXt2c

Në datat 30 qershor – 1 korrik 2020, Këshilli Administrativ i Organizatës Europiane të Patentave (EPO) diskutoi edhe Marrëveshjen e Punës midis Organizatës Europiane të Patentave (EPO) dhe Drejtorisë së Përgjithshme të Pronësisë Industriale, pranë Ministrisë së Financave dhe Ekonomisë.

Nga kjo marrëveshje, do të përfitojnë ulje me 75% të tarifës bazë, rreth 100 aplikime shqiptare në vit nga shpikësit e pavarur, sipërmarrjet e vogla dhe të mesme, universitetet dhe organizatat jo fitimprurëse.

Avantazhi kryesor i marrëveshjes do të jetë reduktimi i tarifës së raportit të kërkimit të hartuar nga ZEP për aplikantët shqiptarë në rastet kur kanë depozituar në DPPI për çdo:

• – Aplikim Ndërkombëtar për patentë për shpikje, bazuar në marrëveshjen në fushën e patentave,
• – Aplikim kombëtar për patentë të depozituar në DPPI.

Nënshkrimi i marrëveshjes nga të dy titullarët, pritet të bëhet së shpejti pavarësisht pandemisë.