THIRRJE PËR APLIKIME

Young Inventors Prize 2027

Drejtoria e Përgjithshme e Pronësisë Industriale (DPPI) informon të gjithë studentët, të sapodiplomuarit, inovatorët e rinj, sipërmarrësit dhe të rinjtë me ide inovative për arsye se  Zyra Evropiane e Patentave (European Patent Office – EPO) ka hapur thirrjen për nominime  “Young Inventors Prize 2027”.

Young Inventors Prize vlerëson shpikësit e rinj nga e gjithë bota, të cilët, përmes krijimtarisë dhe inovacionit, zhvillojnë zgjidhje konkrete për adresimin e sfidave globale të qëndrueshmërisë, në përputhje me Objektivat e Zhvillimit të Qëndrueshëm të Kombeve të Bashkuara (UN Sustainable Development Goals – SDGs).

Çmimi synon të promovojë dhe mbështesë brezin e ri të inovatorëve, duke i dhënë mundësi të prezantojnë shpikjet e tyre në një platformë ndërkombëtare dhe të fitojnë njohje për kontributin e tyre në zhvillimin e teknologjive dhe zgjidhjeve me ndikim pozitiv për shoqërinë.

Aplikimet janë të hapura për kandidatë nga e gjithë bota dhe nuk është e nevojshme që shpikja të jetë e patentuar.

Afati i fundit për paraqitjen e nominimeve është 30 shtator 2026.

DPPI inkurajon të gjithë të rinjtë shqiptarë me ide dhe shpikje inovative të aplikojnë dhe të përfaqësojnë Shqipërinë në këtë iniciativë prestigjioze ndërkombëtare.

Për më shumë informacion:

• Platforma e nominimit: https://epo.newsweaver.co.uk/EUROPEAN-INVENTOR-AWARD/1xitqbmss3f76m7frywxr6/external?email=true&lang=en&a=6&p=66901237&t=30524067
• Kriteret e pranueshmërisë, procedura e aplikimit dhe informacioni i plotë: https://epo.newsweaver.co.uk/EUROPEAN-INVENTOR-AWARD/16276hu1s5t76m7frywxr6/external?email=true&lang=en&a=6&p=66901237&t=30524067

DPPI fton gjithashtu universitetet, institucionet e arsimit të lartë, qendrat e kërkimit, laboratorët e inovacionit, organizatat mbështetëse të sipërmarrjes dhe të gjithë aktorët e ekosistemit të inovacionit ta shpërndajnë këtë thirrje, me qëllim që sa më shumë kandidatë të kualifikuar nga Shqipëria të kenë mundësinë të aplikojnë.

Drejtoria e Përgjithshme e Pronësisë Industriale (DPPI) njofton se Republika e Shqipërisë ka depozituar më 1 korrik 2026 pranë Organizatës Botërore të Pronësisë Intelektuale (WIPO) instrumentin e aderimit në Traktatin e Singaporit mbi të Drejtën e Markave, i miratuar në Singapor më 27 mars 2006. Sipas njoftimit zyrtar të WIPO-s, Traktati do të hyjë në fuqi për Republikën e Shqipërisë më 1 tetor 2026.

Aderimi në këtë traktat përfaqëson një hap të rëndësishëm në forcimin e sistemit kombëtar të pronësisë industriale dhe harmonizimin e mëtejshëm të legjislacionit dhe praktikave administrative shqiptare me standardet ndërkombëtare në fushën e markave.

Ky zhvillim përbën gjithashtu përmbushjen e një prej angazhimeve të parashikuara në Strategjinë Kombëtare të Pronësisë Intelektuale 2022–2025, e cila synonte zgjerimin e pjesëmarrjes së Shqipërisë në traktatet ndërkombëtare të administruara nga WIPO dhe forcimin e kuadrit ligjor e institucional në fushën e pronësisë intelektuale.

Traktati i Singaporit synon modernizimin dhe thjeshtimin e procedurave administrative që lidhen me regjistrimin dhe administrimin e markave, duke ofruar një kuadër më efikas, më transparent dhe më të përshtatshëm për përdoruesit e sistemit të markave.

DPPI mbetet e angazhuar në zbatimin e prioriteteve strategjike kombëtare dhe në mbështetjen e biznesit, inovacionit dhe konkurrueshmërisë përmes zhvillimit të një sistemi modern dhe efektiv të pronësisë industriale në Republikën e Shqipërisë.

Lexo më shumë

Republika e Shqipërisë ka përmbushur një tjetër angazhim të rëndësishëm të parashikuar në Strategjinë Kombëtare të Pronësisë Intelektuale 2022–2025, duke aderuar në Traktatin e Nairobit për Mbrojtjen e Simbolit Olimpik.

Sipas njoftimit zyrtar të Organizatës Botërore të Pronësisë Intelektuale (WIPO), më 1 korrik 2026, Qeveria e Republikës së Shqipërisë depozitoi instrumentin e aderimit në Traktatin e Nairobit, ndërsa traktati do të hyjë në fuqi për Shqipërinë më 1 gusht 2026.

Aderimi në këtë traktat është rezultat i punës së koordinuar institucionale dhe pjesë e masave të parashikuara në Strategjinë Kombëtare të Pronësisë Intelektuale 2022–2025 për zgjerimin e pjesëmarrjes së Shqipërisë në traktatet ndërkombëtare të administruara nga WIPO, si dhe për forcimin e mbrojtjes së të drejtave të pronësisë intelektuale në përputhje me standardet ndërkombëtare.

Traktati i Nairobit garanton mbrojtjen e simbolit olimpik kundër përdorimit të paautorizuar për qëllime tregtare, duke siguruar respektimin e detyrimeve ndërkombëtare në këtë fushë dhe duke kontribuar në harmonizimin e mëtejshëm të sistemit shqiptar të pronësisë industriale me praktikat më të mira ndërkombëtare.

Drejtoria e Përgjithshme e Pronësisë Industriale mbetet e angazhuar në zbatimin e prioriteteve strategjike të vendit në fushën e pronësisë intelektuale dhe në avancimin e proceseve që mbështesin inovacionin, zhvillimin ekonomik dhe integrimin evropian.

Me këtë aderim, Shqipëria përmbush një tjetër objektiv konkret të Strategjisë Kombëtare të Pronësisë Intelektuale 2022–2025 dhe konfirmon angazhimin e saj për forcimin e sistemit kombëtar të pronësisë intelektuale në përputhje me standardet ndërkombëtare.

Lexoni më shumë

Në kuadër të projektit EU4IP – Strengthening Intellectual Property Rights in the Western Balkans, i financuar nga Bashkimi Evropian dhe i zbatuar nga EUIPO, Drejtoria e Përgjithshme e Pronësisë Industriale (DPPI) njofton përfundimin e procesit të vlerësimit të aplikimeve të paraqitura në kuadër të thirrjeve për interes për hartimin e akteve nënligjore për zbatimin e legjislacionit në fushën e Pronësisë Industriale.

Pas shqyrtimit dhe vlerësimit të aplikimeve nga Komisioni i Vlerësimit, u vendos përzgjedhja e ekspertëve fitues si më poshtë:

• Z. Etlon Peppo – fitues për hartimin e akteve nënligjore për zbatimin e ligjeve për Treguesit Gjeografikë.
• Znj. Lindita Mëneri – fituese për hartimin e akteve nënligjore për zbatimin e ligjeve për Dizenjot.

Ky angazhim përbën një hap të rëndësishëm në forcimin e kuadrit ligjor dhe institucional të pronësisë industriale në Shqipëri, duke kontribuar në përafrimin e mëtejshëm të legjislacionit kombëtar me standardet dhe praktikat e Bashkimit Evropian.

DPPI falënderon të gjithë aplikantët për interesimin dhe kontributin e tyre në këtë proces.

Të rinjtë dhe inovacioni u bënë bashkë në gjimnazin Gjimnazi “Ismail Qemali”, ku zhvilluam një leksion të hapur mbi rëndësinë e Pronësisë Industriale dhe rolin e saj në mbrojtjen e ideve, markave, inovacionit dhe krijimtarisë së brezit të ri.

Këto orë të hapura mësimore do të vijojnë gjatë muajit maj edhe në gjimnaze të tjera të Tiranës, me synimin për të rritur ndërgjegjësimin dhe informimin e të rinjve mbi këtë fushë me rëndësi për inovacionin dhe zhvillimin

Kënaqësi e veçantë ishte pjesëmarrja e përfaqësuesve nga Agjencia për Pronësinë Industriale e Republikës së Kosovës, të cilët u njohën me eksperiencën dhe përvojën e DPPI në organizimin e aktiviteteve të tilla.

Falenderim për stafin pedagogjik dhe nxënësit për mikpritjen dhe atmosferën pozitive gjatë kësaj ore të vlefshme mësimore

https://www.facebook.com/reel/1534870871596163

Drejtoria e Përgjithshme e Pronësisë Industriale mori pjesë në Panairin e Robotikës, të organizuar nga Instituti “Harry Fultz”, me qëllim mbështetjen dhe inkurajimin e talenteve të reja në fushën e inovacionit dhe teknologjisë.

Gjatë këtij eventi, patëm kënaqësinë të njiheshim nga afër me projektet dhe punimet mbresëlënëse të nxënësve, të cilat dëshmuan kreativitet, aftësi teknike dhe vizion për të ardhmen.

Përfaqësuesit e DPPI shfrytëzuan këtë mundësi për të informuar të rinjtë mbi rëndësinë e mbrojtjes së hershme të objekteve të Pronësisë Industriale, si shpikjet, modelet e përdorimit dhe markat, duke i orientuar mbi hapat që duhen ndërmarrë për të mbrojtur krijimet e tyre.

Mbështetja e inovatorëve të rinj dhe ndërgjegjësimi mbi vlerën e pronësisë industriale mbetet një prioritet për DPPI, si një investim i rëndësishëm për zhvillimin ekonomik dhe të ardhmen e vendit.

https://www.facebook.com/reel/2071746453748386

Në vijim të aktiviteteve të Ditës Botërore, patëm kënaqësinë të zhvillonim një orë të hapur leksioni në Universitetin Politeknik të Tiranës , me fokus patentat dhe disenjot industriale —dy shtylla kyçe të inovacionit.

Përmes një qasjeje dinamike dhe konkrete, studentët u njohën me mënyrat e mbrojtjes së ideve si dhe me rëndësinë që këto të drejta kanë për t’i kthyer krijimet në vlerë reale në treg.

https://www.facebook.com/reel/1734912571010269

Një vëmendje e veçantë iu kushtua Universitetit të Sporteve në Tiranë, ku në bashkëpunim me ISHMT u zhvillua një orë e hapur leksioni me studentë dhe pedagogë.

Gjatë këtij leksioni u trajtuan: Të drejtat që burojnë nga regjistrimi i objekteve të pronësisë industriale

Rëndësia e mbrojtjes së tyre në fushën e sportit

Masat që merren në rastet e shkeljes së këtyre të drejtave

U theksua roli i institucioneve: DPPI, si institucioni kyç për regjistrimin dhe mbrojtjen ligjore të objekteve të pronësisë industriale

ISHMT, i cili luan një rol aktiv në terren duke ndërhyrë në rastet e konstatimit të shkeljeve, përmes masave administrative, kontrollit dhe ndërgjegjësimit për respektimin e të drejtave të PI

Aktiviteti u përshëndet edhe nga zv/rektori i universitetit, i cili vlerësoi këtë bashkëpunim si një hap të rëndësishëm në edukimin e të rinjve mbi rëndësinë e mbrojtjes së krijimtarisë në sport.

Ky leksion ishte një tjetër iniciativë që ofron studentët me praktikën dhe forcon kulturën e respektimit të të drejtave!

https://www.facebook.com/reel/1590098178756320

Në kuadër të Ditës Botërore të Pronësisë Intelektuale, në një atmosferë plot energji dhe ide inovative, u zhvillua Konferenca Kombëtare “Fuqizimi i Startup-eve përmes Pronësisë Intelektuale” – një hap konkret drejt mbështetjes së inovacionit shqiptar.

 Ky aktivitet u organizua nga Drejtoria e Përgjithshme e Pronësisë Industriale (DPPI) dhe Organizata Evropiane e Patentave (European Patent Office), në bashkëpunim të ngushtë me Agjencinë Startup Albania dhe me mbështetjen e Ministrisë së Ekonomisë dhe Inovacionit.

Ky aktivitet mblodhi së bashku startup-e, sipërmarrës, ekspertë vendas dhe ndërkombëtarë, duke krijuar një hapësirë dinamike për diskutim, shkëmbim përvojash dhe ide konkrete për zhvillim.

 Gjatë konferencës u trajtuan çështje kyçe si:

 rrugëtimi nga ideja tek mbrojtja përmes patentimit

 rëndësia e pronësisë industriale në rritjen dhe konkurrueshmërinë e startup-eve

ndikimi i IP në tërheqjen e investimeve dhe hyrjen në tregje të reja

 praktikat më të mira evropiane dhe instrumentet mbështetëse për inovatorët, ku instrumentet e paraqitura ofrohen nga Organizata Evropiane e Patentave (European Patent Office)

 Në fokus ishte një mesazh i qartë:

 Idetë inovative kanë vlerë reale vetëm kur mbrohen dhe menaxhohen në mënyrë strategjike.

 Konferenca shërbeu si një platformë bashkëpunimi mes institucioneve dhe komunitetit të startup-eve, duke forcuar më tej ekosistemin e inovacionit në vend.