Category: Lajm kryesor
Memorandum Bashkëpunimi ndërmjet DPPI, përfaqësuar nga Drejtoresha e Përgjithshme znj. Maria Solis Kapedani, dhe Universitetit Europian të Tiranës (UET).
Drejtoria e Përgjithshme e Pronësisë Industriale, e përfaqësuar nga Drejtori i Përgjithshëm, znj. Maria Solis Kapedani, dhe @universitetieuropianitiranes i përfaqësuar nga Administratori z. Tildi Çadri, nënshkruan sot, në mjediset e universitetit, Memorandumin e Bashkëpunimit.
Ky Memorandum do të sjellë përfitime për studentët dhe stafin akademik, kryesisht për Fakultetet e Inxhinierisë, Artet, Shkencat e Drejtësisë, por edhe për DPPI-në dhe për mbrojtjen që vjen me regjistrimin e objekteve të PI-së.
Maria Solis Kapedani u shpreh se ky Memorandum Bashkëpunimi do të hapë rrugën për studentët, jo vetëm në mbrojtjen e pronësisë së tyre intelektuale, por edhe në lidhjen mes universitetit, DPPI-së dhe biznesit.
Nga ana e UET, Administratori z. Tildi Çadri u shpreh se kjo marrëveshje është e mirëpritur dhe se leksionet e hapura dhe internshipet do të zhvillohen në vazhdimësi.
IP4Startups
Është përmbyllur me sukses programi i parë i akselerimit me fokus fuqizimin e sipërmarrjeve përmes mbrojtjes së Pronësisë Intelektuale i realizuar në Shqipëri, IP4Startups!
Në një mbrëmje të një rëndësie të veçantë për shkak të pjesëmarrjes, të një niveli të lartë teknik dhe përfaqësuesish të drejtorive të inovacionit dhe startup, u bë edhe çertifikimi i 10 startup-ve fituese që për 2 muaj rresht kaluan në një trajnim intensive për Pronësinë Industriale.
Në fjalët përshëndetëse të znj. Maria Solis Kapedani, Drejtor i Drejtoria e Pergjithshme e Pronësisë Industriale Znj. Olga Allemann, Menaxhere e Projektit në Swiss Federal Institute of Intellectual Property dhe Z. Kushtrim Shala, Menaxheri i Projektit të IP4Startups, u theksua rëndësia e programit IP4Startups dhe ekspertëve të cilët dhanë kontributin e tyre të vyer në këtë program. Aktiviteti u nderua me pjesëmarrjen dhe fjalën e tyre të znj. Ledi Imeraj, Drejtor i Agjensisë së Inovacionit dhe Ekselencës, Z. Arjan Ymeri, drejtor i përgjithshem i Agjencise së Start upeve shkëlqesia e saj znj. Ruth Huber, Ambasadore e Zvicrës në Shqipëri.
Ky program u zbatua nga Drejtoria e përgjithshme e Pronësisë Industriale (DPPI) me mbështetjen e Projektit Shqiptaro-Zviceran për Pronësinë Intelektuale (ALSIP).
Panairi “Shije dhe Traditë” në Qarkun Dibër, sesion informimi për prodhuesit vendorë
Në 16 Nëntor u mbajt në Peshkopi panairi ‘Shije dhe Traditë’, si dhe takimi informues i dedikuar prodhuesve dhe fermerëve të Qarkut Dibër për identifikimin e produkteve me potencial të mundshëm regjistrimi si Tregues Gjeografikë.
Ky aktivitet u zhvillua nga Drejtoria e Përgjithshme e Pronësisë Industriale në bashkëpunim me bashkinë Peshkopi dhe me mbështetje të Projektit Shqiptaro-Zviceran për Pronësinë Intelektuale (AlSIP).
Fermerët dhe prodhuesit e qarkut Dibër u njohën në mënyrë të detajuar me hapat dhe rëndësinë e regjistrimit të produkteve potenciale bujqësore, blektorale dhe artizanale si Tregues Gjeografikë, një mundësi e shkëlqyer ligjore që nxit kooperimin midis fermerëve dhe prodhuesve, çertifikon, identifikon dhe mbron produktet karakteristike të zonës sonë, si dhe nxit aksesin në tregjet kombëtare dhe ndërkombëtare.
Drejtor i Përgjithshem e DPPI-së, znj. Maria Solis Kapedani, kryetari i Bashkisë Dibër, z. Rahim Spahiu, znj. Dardana Vladi Grabovaj, përfaqësuese e Ministrisë së Ekonomisë dhe Inovacionit, si dhe znj. Borana Kalemi, menaxhere e projektit në AlSIP, theksuan rëndësinë e bashkëpunimit mes fermerëve dhe prodhuesve vendorë për t’u organizuar në shoqata dhe më pas të realizojnë e produkteve potenciale si objekte të pronësisë industriale.
Të pranishmit në panair dhe takim shprehën qartë nevojën për këtë organizim dhe, në bazë të rasteve të suksesit, vitin 2025 pritet që Dibra të regjistrojë si produkte Tregues Gjeografikë.
