Shpallje konkursi, për realizimin e “Logos” për Drejtorinë e Përgjithshme të Pronësisë Industriale dhe revistës ”Inova”
Drejtoria e Përgjithshme e Pronësisë Industriale shpall konkursin për krijimin e logos së institucionit të saj si dhe revistës ”Inova”, publikim i cili do pasqyrojë punën e institucionit, bashkëpunimet me kombëtarë dhe ndërkombëtarë, evente, kuriozitet nga bota dhe jo vetëm aq.
Qëllimi i realizimit të Logos është identifikimi i DPPI -së, si institucion dhe revistës si publikim si dhe promovimi i tyre në një arenë më të gjërë.
Kriteret dhe udhëzimet që kërkohen:
- Logo duhet të jetë unike dhe bashkëkohore;
- Të përçojë një mesazh të qartë;
- Të jetë e përdorshme ne materialet e promovimit;
- Të shfaqë cilësi të lartë për informacionin që transmeton;
Specifikime Teknike të logos:
- Logoja të jetë me ngjyra;
- Formatet në të cilat duhet të dorëzohet logo: Eps, Pdf, Jpg, Png”,
Logoja duhet të jetë e aplikueshme edhe në:
- Dokumente zyrtarë dhe jo vetëm;
- Materiale të nevojshme për konferenca, Ftesa; programe trajnimi;etj
- Materialet promovuese `
- Materiale informuese elektronike ose ne format hard copy;
- Broshura;
- Poster;
- Bill boarde; etj.
Kush mund të aplikojë?
- Të gjithë kandidatët që kanë përfunduar Akademinë e Arteve të Bukura;
- Të gjithë kandidatët që kanë përfunduar Arkitekturë Interieri dhe Dizajn në Fakultetin e
Arkitekturës dhe Urbanistikës;
Kushtet e pjesëmarrjes në konkurs
- Letër/e-mail për shprehje interesi;
- CV;
- Kartë identiteti (jpg/pdf);
- Të paktën 2 logo të realizuar me parë;
- Të gjithë elementet logos duhet të jenë krijim origjinal;
Koha e zhvillimit dhe shpalljes së fituesit të konkursit
Shpallja e Konkursit bëhet më datë 13 Mars 2025.
Data e fundit e aplikimeve është 06 Prill 2025.
Shpallja e fituesit bëhet me njoftim në faqen zyrtare të DPPI si dhe në adresën e email-it të
aplikantit.
Aplikimet për logon do të dorzohen elekronikisht në e-adresën: info@dppi.gov.al si dhe
Komisioni i ngritur pranë drejtorisë do të shqyrtojë dhe do të vlerësojë çdo aplikim të ardhur në adresat e sipërcituara.
Marrëveshje Bashkëpunimi për Mbrojtjen e Pronësisë Industriale.
Është nënshkruar Marrëveshja e Bashkëpunimit mes Drejtorisë së Përgjithshme të Pronësisë Industriale, e nënshkruar nga znj. Maria Solis Kapedani, Drejtori i Përgjithshëm i Komanduar, dhe z. Rahim Spahiu, Kryetar i Bashkisë Dibër, me qëllim promovimin dhe mbrojtjen
e pronësisë industriale.
Qëllimi i Bashkëpunimit
Fokusi kryesor i kësaj marrëveshjeje është organizimi i aktiviteteve të përbashkëta, panaire dhe iniciativa të tjera për të sensibilizuar bizneset e qytetit të Peshkopisë dhe për të garantuar mbrojtjen e pronësisë intelektuale.
Objektivat Kryesore
1. Organizimi i aktiviteteve për mbrojtjen dhe regjistrimin e pronës industriale për bizneset e Peshkopisë.
2. Organizimi i tryezave të rrumbullakëta dhe sesioneve diskutimi për mbrojtjen e pronës industriale.
3. Shkëmbimi i informacionit mbi pronësinë industriale mes palëve, për të fuqizuar bashkëpunimin dhe ndërgjegjësimin.
Ky është një hap i rëndësishëm në zhvillimin dhe mbrojtjen e bizneseve dhe ideve inovative në rajon!
Takimi Tre-Palësh për Forcimin e Bashkëpunimit Rajonal në Fushën e Pronësisë Industriale
Drejtoria e Përgjithshme e Pronësisë Industriale (DPPI) organizoi një takim tre-palësh me homologët e saj nga Kosova dhe Maqedonia e Veriut, në kuadër të bashkëpunimit rajonal për çështjet e pronësisë industriale.
Ky takim shënon një hap të rëndësishëm në thellimin e marrëdhënieve institucionale dhe koordinimin e projekteve të përbashkëta, me synimin për të përmirësuar shërbimet dhe përfaqësimin ndërkombëtar të rajonit.
Delegacionet pjesëmarrëse u mirëpritën nga Drejtori i Përgjithshëm i Komanduar i DPPI, znj. Maria Solis Kapedani.
Pjesëmarrësit në takim:
Z. Avdi Krasniqi – Drejtor i Përgjithshëm i Agjencisë së Pronësisë Industriale të Kosovës
Z. Eljesa Neziri – Drejtor i Përgjithshëm i Entit për Pronësi Industriale të Maqedonisë së Veriut
Gjatë diskutimeve, u theksua rëndësia e bashkëpunimit të ngushtë mes institucioneve homologe për të ndërtuar një sistem më efikas dhe të harmonizuar të pronësisë industriale në rajon. Palët u angazhuan për forcimin e shkëmbimit të përvojave, zhvillimin e projekteve të përbashkëta dhe avancimin e shërbimeve për qytetarët dhe bizneset.
Ky takim konfirmon angazhimin e përbashkët për një rajon më të integruar dhe inovativ, ku pronësia industriale luan një rol kyç në zhvillimin ekonomik dhe nxitjen e sipërmarrjes.
Shqipëria dhe Çekia forcojnë bashkëpunimin në fushën e Pronësisë Industriale
Shqipëria dhe Çekia forcojnë bashkëpunimin në fushën e Pronësisë Industriale
Drejtoria e Përgjithshme e Pronësisë Industriale e Republikës së Shqipërisë 🇦🇱 dhe Drejtoria e Pronësisë Industriale e Republikës së Çekisë 🇨🇿 kanë nënshkruar një Memorandum Mirëkuptimi, duke hedhur bazat për një bashkëpunim të zgjeruar dhe afatgjatë në fushën e pronësisë industriale.
Ky memorandum synon të forcojë kapacitetet institucionale dhe rregullatore, duke krijuar mundësi konkrete për shkëmbimin e njohurive dhe eksperiencave më të mira. Fushat kryesore të bashkëpunimit përfshijnë:
· Përmirësimin e legjislacionit dhe harmonizimin e tij me praktikat më të mira evropiane;
· Shkëmbimin e informacionit mbi zhvillimet dhe politikat në fushën e pronësisë industriale;
· Trajnime dhe programe zhvillimi për profesionistët dhe aktorët e interesuar në këtë sektor;
· Organizimin e konferencave, seminareve dhe workshop-eve për të nxitur inovacionin.
Ky bashkëpunim i ri do të kontribuojë në krijimin e një ekosistemi të fortë të pronësisë industriale, duke mbështetur bizneset, shpikësit dhe akademinë në të dy vendet.
Vizita Studimore e Zyrës Greke të Pronësisë Industriale në Tiranë
Vizita Studimore e Zyrës Greke të Pronësisë Industriale në Tiranë
Drejtoria e Përgjithshme e Pronësisë Industriale (DPPI) priti në Tiranë një delegacion nga Zyra Greke e Pronësisë Industriale të Republikës së Greqisë, në kuadër të bashkëpunimit të ngushtë mes institucioneve tona.
Përbërja e Delegacionit:
z. Panagiotis Kanellopoulos – Drejtor i Përgjithshëm i Zyrës Helenike të Pronësisë Industriale
znj. Catherine Margellou – Zëvendësdrejtoreshë e Përgjithshme dhe Drejtore e Mbështetjes Ligjore
znj. Myrto Lambrou Maurer – Përgjegjëse për Çështjet Ndërkombëtare
Delegacioni u mirëprit nga znj. Maria Solis Kapedani, Drejtor i Përgjithshme i Komanduar i DPPI-së, së bashku me drejtorët e drejtorive dhe departamenteve përkatëse.
Bashkëpunimi me Zyrën Greke:
DPPI ka nënshkruar një marrëveshje bashkëpunimi me Zyrën Greke të Pronësisë Industriale, me qëllim forcimin e marrëdhënieve institucionale dhe shkëmbimin e përvojave në fushën e pronësisë industriale.
Objektivat e Vizitës:
Shkëmbimi i praktikave më të mira mbi proceset e digjitalizuara të aplikimeve
Raportet e kërkimit dhe procedurat e ekzaminimit
Diskutime mbi përditësimet ligjore dhe shkëmbimi i informacionit mbi legjislacionin e pronësisë industriale
Ky bashkëpunim ndihmon në rritjen e kapaciteteve institucionale dhe përmirësimin e shërbimeve për inovatorët dhe bizneset.
Marrëveshje Bashkëpunimi mes DPPI dhe Bashkisë Lezhë
Marrëveshje Bashkëpunimi mes Drejtorisë së Përgjithshme të Pronësisë Industriale dhe Bashkisë Lezhë
Drejtoria e Përgjithshme e Pronësisë Industriale (DPPI) dhe Bashkia Lezhë kanë nënshkruar një marrëveshje bashkëpunimi me qëllim rritjen e ndërgjegjësimit dhe mbështetjes për bizneset lokale.
Marrëveshja u nënshkrua nga znj. Maria Solis Kapedani, Drejtor i Përgjithshëm i Komanduar i DPPI dhe z. Pjerin Ndreu, Kryetar i Bashkisë Lezhë.
Objektivat kryesore të kësaj marrëveshjeje përfshijnë: Rritjen e ndërgjegjësimit të biznesit për të drejtat që ata gëzojnë në lidhje me markën tregtare, disenjot industriale dhe treguesit gjeografikë të regjistruar. Përgatitjen e materialeve promovuese dhe broshurave që do të shpërndahen në mjediset e Bashkisë Lezhë.
Ky hap i rëndësishëm do të ndihmojë në forcimin e mbrojtjes së pronësisë industriale dhe promovimin e mundësive për bizneset në rajonin e Lezhës.
DPPI informs interested parties that, in support of point 3 of article 193/b of Law no. 9947, dated 07.07.2008, "On Industrial Property," as amended,
Drejtoria e Përgjithshme e Pronësisë Industriale, njofton të interesuarit se në mbështetje të pikës 3 të nenit, 193/b, të Ligjit nr. 9947, datë 07.07.2008, “Për Pronësinë Industriale”, i ndryshuar, të paraqesin pranë zyrës së protokollit aplikimin e tyre për të kandiduar si anëtarë të Bordit të Apelit.
Gjithashtu në zbatim të pikës 1 të nenit 193/b të ligjit Nr.9947, datë 7.7.2008 “Për Pronësinë Industriale”, i ndryshuar, citohet se: “Bordi i Apelit përbëhet nga pesë anëtarë, nga të cilët dy janë punonjës të DPPI-së dhe tre anëtarë të jashtëm të fushës së PI-së, të cilët plotësojnë kushtet për ekspertë të PI-së. Anëtarët e Bordit të Apelit nuk mund të jenë përfaqësues të autorizuar.”
Me ndryshimet e reja ligjore, parashikohet se pjesë e Bordit të Apelit duhet të jenë dy përfaqësues nga Drejtoria e Përgjithshme e Pronësisë Industriale dhe 3 anëtarë të jashtëm.
Afati për dorëzimin e aplikimeve është deri më datë 15 Shkurt 2025.
Ftohen të interesuarit të paraqesin aplikimet e tyre pranë protokollit të institucionit
The General Directorate of Industrial Property informs interested parties that, in support of point 3 of article 193/b of Law no. 9947, dated 07.07.2008, "On Industrial Property,"
Drejtoria e Përgjithshme e Pronësisë Industriale, njofton të interesuarit se në mbështetje të pikës 3 të nenit, 193/b, të Ligjit nr. 9947, datë 07.07.2008, “Për Pronësinë Industriale”, i ndryshuar, të paraqesin pranë zyrës së protokollit aplikimin e tyre për të kandiduar si anëtarë të Bordit të Apelit.
Gjithashtu në zbatim të pikës 1 të nenit 193/b të ligjit Nr.9947, datë 7.7.2008 “Për Pronësinë Industriale”, i ndryshuar, citohet se: “Bordi i Apelit përbëhet nga pesë anëtarë, nga të cilët dy janë punonjës të DPPI-së dhe tre anëtarë të jashtëm të fushës së PI-së, të cilët plotësojnë kushtet për ekspertë të PI-së. Anëtarët e Bordit të Apelit nuk mund të jenë përfaqësues të autorizuar.”
Me ndryshimet e reja ligjore, parashikohet se pjesë e Bordit të Apelit duhet të jenë dy përfaqësues nga Drejtoria e Përgjithshme e Pronësisë Industriale dhe 3 anëtarë të jashtëm.
Afati për dorëzimin e aplikimeve është deri më datë 15 Shkurt 2025.
Ftohen të interesuarit të paraqesin aplikimet e tyre pranë protokollit të institucionit.
Workshops for Developing the Strategy of the Training Center: Collaboration with the ALSIP Project and IP Partners
Gjatë datave 6-9 Mars, Drejtori i Përgjithshëm i Drejtorisë së Përgjithshme të Pronësisë Industriale, mirëpriti pranë Qendrës së Trajnimeve, ekspertin z. Andreas Kurt, udhëheqesin kryesor në draftimin e Strategjisë për Qendrën e Trajnimeve.
Ky proces u mundësua në bashkëpunim me projektin shqiptaro-zvicerian ALSIP, i cili prej tre vitesh mbështet veprimtarinë e DPPI për ndërgjegjësimi dhe fuqizimin e PI-së në.
Gjatë këtyre datave u organizuan një cikël workshopesh në funksion të përcaktimit të objektivave që strategjia do të përmbajë në terma afatgjatë.
Eventi final i këtij rrugëtimi ishte ai i datës 9 Mars “Breakfast with IP Stockholders”.
Vendosëm së bashku next steps dhe nëpërmjet një workshopi organizuar nga Drejtori i Përgjithshëm si dhe përcaktuam kontributin e secilit nga partnerëve tanë në përmbushjen e objektivave të Strategjisë.
Në përfundim të takimit të gjithë partnerët shprehen vlerësimin për mënyrat inovatore të përdorura në draftimin e Strategjisë, si një dokument shumë i domosdoshëm për ta kthyer Qendrën e Trajnimeve në një qendër akademike të mirëfilltë ku të gjithë të interesuarit të marrin shërbim të specializuar në fushën e pronësisë intelektuale.
DPPI shpreh mirënjohjen për të gjithë grupin e punës për kontributin e vyer në draftimin e kësaj Strategjie.
- 1
- 2