Takim dy palësh mes EPO dhe MEKI

Në kuadër të konferencës së nivelit të lartë për Ditën Botërore të Pronësisë Intelektuale, u zhvillua një takim i rëndësishëm mes zëvendësministrit të Ekonomisë, Kulturës dhe Inovacionit, z. Sokol Duma, dhe zëvendëspresidentit për Çështjet Ligjore dhe Ndërkombëtare në Zyrën Evropiane të Patentave (EPO), z. Christoph Ernst. Takimi u organizua nga Drejtor i Përgjithshëm i Komanduar, i DPPI-së znj. Maria Solis Kapedani, dhe kishte për qëllim fuqizimin e marrëdhënieve mes institucioneve shqiptare dhe EPO. U rikonfirmua bashkëpunimi i ngushtë mes Ministrisë së Ekonomisë, Kulturës dhe Inovacionit dhe Zyrës Evropiane të Patentave, me synimin për të çuar përpara plane konkrete dhe për të forcuar partneritetin dypalësh. Ky bashkëpunim është një hap i rëndësishëm drejt zhvillimit të mëtejshëm të sistemit të pronësisë intelektuale në Shqipëri dhe integrimit më të plotë në rrjetin evropian të inovacionit dhe mbrojtjes së të drejtave.