Në 26 Prill të çdo viti Shqipëria, ashtu si dhe vendet e tjera të botës, feston Ditën Botërore të Pronësisë Intelektuale, për të promovuar rëndësinë e saj në inkurajimin e shpikjeve dhe krijimtarisë së mendjes njerëzore.

Në vitin 2000, shtetet anëtare të Organizatës Botërore të Pronësisë Intelektuale (WIPO) caktuan 26 prill (datë, në të cilën Konventa për themelimin e WIPO-s hyri në fuqi në vitin 1970), si Ditën Botërore të Pronësisë Intelektuale, me qëllim rritjen e të kuptuarit të përgjithshëm të pronësisë intelektuale.

Dita Botërore e Pronësisë Intelektuale ka ofruar një mundësi unike çdo vit për t’u bashkuar me të tjerët rreth globit për të marrë në konsideratë se si pronësia intelektuale kontribuon në nxitjen e inovacionit dhe është një shtyllë shumë e fortë e ekonomisë së një vendi.

Për vitin 2021 Organizata Botërore e Pronësisë Intelektuale (WIPO), zgjodhi të festojë me sloganin: “Pronësia Intelektuale dhe Biznesi” me qasjen, se një sistem pronësie intelektuale i ekuilibruar dhe i fortë mund të mbështesë biznesin, duke marrë parasysh dhe ndikimin shumë të madh që pandemia globale i dha.

Ky slogan shërben si shtysë për nxitjen dhe fuqizimin e biznesit, (sidomos atij të vogël dhe të mesëm), si dhe mbrojtjen dhe unifikimin e tyre në treg.

Misioni i çdo qeverie të çdo vendi të botës është që kultura dhe prodhimtaria intelektuale vendase të zhvillohet, përhapet, promovohet e stimulohet, nëpërmjet hartimit dhe zbatimit të politikave efikase në funksion të respektimit të mbrojtjes së produktit intelektual.

Ka një vullnet të shprehur qartë të Qeverisë Shqiptare se respektimi dhe mbrojtja e të Drejtave të Pronësisë Intelektuale do të garantohet në të njëjtin nivel që garantohet në të gjitha vendet e zhvilluara të botës. Kjo fushë është prioritare për Qeverinë Shqiptare për të plotësuar të gjitha kushtet që kërkon BE, në mënyrë që të bëhemi vend anëtar  me të drejta të plota.

Ky është një detyrim politik që rrjedh nga Traktatet e Konventat Ndërkombëtare, i detyrueshëm për Qeverinë Shqiptare në detyrimet që rrjedhin nga MSA, në nenin 73 të saj, dhe i shprehur dhe me hartimin e një dokumenti strategjik që është Strategjia Kombëtare e Zbatimit të të Drejtave të Pronësisë Intelektuale.

Gëzuar Ditën Botërore të Pronësisë Intelektuale!

Sebashku me Ministren, znj. Anila Denaj dhe me përfaqësues të bizneseve në qytetin e Sarandës, zhvilluam aktivitetin informues dhe ndërgjegjësues në kuadër të muajit të Pronësisë Intelektuale.

Aktiviteti u fokusua më së shumti te prodhimet  “Made in Albania”, me potencial për zhvillim brenda dhe jashtë vendit.

#ShqipëriaeArdhmjaJonë

Nënshkruhet Marrëveshja e Bashkëpunimi midis Drejtorisë së Përgjithshme të Pronësisë Industriale përfaqësuar nga Drejtori i Përgjithshëm Znj.Ledina Beqiraj dhe Shoqërisë “Vigan Group shpk” përfaqësuar nga Znj. Arjodita  Rraboshta, ku në fokus është bashkëpunimi mes palëve për rritjen e ndërgjegjësimit të biznesit, për të drejtat që ata gëzojnë në lidhje me objektet e pronësisë industriale.

‼️ Qellimi i kësaj marrëveshje është zhvillimi i aktiviteteve të përbashkëta si: info-days, seminare, tryeza të rrumbullakta,trajnime të ndryshme që kanë për qëllim ndërgjegjësimin e start up-eve për rëndësinë e pronësisë industriale si dhe përgatitjen e materialeve promovuese , fletë-palosjeve , broshurave të cilat do të vendosen në stenda pranë mjediseve të Vigan Group shpk.

#MoU
#DPPI

Në kuadër të Strategjisë Kombëtare të Pronësisë Intelektuale 2016-2020, Drejtoria e Përgjithshme e Pronësisë Industriale pas hartimit dhe miratimit të kalendarit të aktiviteteve promovuese nëpër qytete të ndryshme pranë biznesit ka vijuar turin e takimeve informuese mbi përfitimet që sjell regjistrimi i objekteve të pronësisë industriale, pas situatës së jashtëzakonshme të krijuar si pasojë e përhapjes së pandemisë Covid-19. Takimet janë zhvilluar në disa prej qyteteve të ndryshme të Shqipërisë si dhe në biznese e kompanitë të ndryshme prodhimi, konkretisht, Lezhë, Berat  Skrapar, Tropojë, Sarandë, Himarë, Vlorë etj për t`u shtrirë gjeografikisht në të gjitha qytetet e vendit.

Turet e vazhdueshme me bizneset kanë funksion informues dhe promovues lidhur mbi përfitimet ekonomike dhe juridike që sjell regjistrimi i markave tregtare dhe të shërbimit, disenjove industriale, treguesve gjeografik si dhe shpikjeve dhe modeleve të përdorimit.

Duhet theksuar fakti se tashmë kemi një realitet tjetër kur flasim për rëndësinë e të drejtave të pronësisë industriale, biznese të informuar dhe të gatshëm për të mbrojtur aseset e kompanisë, siç është prona intelektuale.

Nga pala shqiptare ky memorandum u nënshkrua nga Drejtori i Përgjithshëm i Pronësisë Industriale znj. Ledina Beqiraj dhe për Zyrën homologe të Republikës së Finlandës nga Presidenti i saj, z. Antti Riivari.

Pronësia Intelektuale (PI) kuptohet si një grup të drejtash që rrjedhin nga një veprimtari artistike, letrare, novatore, industriale apo tregtare. Ky përkufizim u përshtatet në mënyrë të përkryer treguesve gjeografikë (TGJ).

Shumë larg së qenurit fillimet e një veprimtarie prodhuese, janë në fakt rezultati i shumë veprimeve dhe ndërveprimeve ndërmjet njerëzve të ndryshëm, tokës dhe tregut të tyre. Në vitet e fundit kemi qenë një forcë drejtuese e përdorimit të TGJ-ve si mjete për arritjen e objektivave specifikë, përfshirë konkurencën e produkteve agro-ushqimore dhe artizanale, ndërtimin e partneriteteve dhe zhvillimin rural. Thënë ndryshe, kemi promovuar TGJ-të si një mjet i vlefshëm për arritjen e qëllimeve të përbashkëta.

Njësoj si markat tregtare, patentat, dizenjot industriale dhe të gjitha mjetet e tjera të PI, TGJ-të nuk përdoren vetëm për mbrojtje por edhe si pjesë e një strategjie për përmbushjen e këtyre objektivave. Për shembull, në Kolumbi tashmë ka më shumë se 20 TGJ të mbrojtur, bujqësorë dhe artizanalë dhe si rezultat përfituesit e tyre – të grupuar në shoqata prodhuesish, federata, kooperativa dhe para-kooperativa – mund të nisin të përdorin në mënyrë strategjike të drejtat që u siguron mbrojtja.

Qëllimi i këtij udhëzuesi është të ofrojë një metodë dhe një plan për vlerësimin kolektiv të produktit që do të pozicionohet, në mënyrë që palët e ndryshme të interesuara të arrijnë qëllimet që kanë përcaktuar. Ky udhëzues trajton secilën prej temave që duhet të shqyrtojnë një grup apo shoqatë palësh të interesuara me qëllim që të vlerësojnë saktë dhe të krijojnë një ndikim me TGJ-në e tyre, nga të kuptuarit e aspekteve ligjore të mekanizmit deri në përzgjedhjen e efekteve të dëshiruara sociale dhe ekonomike të TGJ-së dhe metodave për përzgjedhjen e tyre. Shpresojmë që ky udhëzues të përshtatet nga të gjithë palët tona të interesuara të TGJ-ve në mënyrë që ata të rrisin potencialin e tyre të plotë të përfitimeve sociale, ekonomike dhe mjedisore në rajonet e tyre.​