Marrëveshje Bashkëpunimi midis DPPI dhe BCCA
Drejtoria e Përgjithshme e Pronësisë Industriale (DPPI) dhe Dhoma e Tregtisë së Mbretërisë së Bashkuar në Shqipëri (BCCA) kanë nënshkruar një marrëveshje bashkëpunimi për forcimin e lidhjeve në fushën e pronësisë industriale. Ky bashkëpunim ka për qëllim ofrimin e shërbimeve si konsulencë për bizneset, trajnime, organizimin e aktiviteteve promovuese dhe ndihmën në mbrojtjen e të drejtave të pronësisë industriale.
Marrëveshja synon gjithashtu rritjen e ndërgjegjësimit për rëndësinë e mbrojtjes së inovacioneve teknologjike dhe krijimin e mundësive të reja për zhvillimin e sipërmarrjes.
Marrëveshja u nënshkrua nga znj. Maria Solis Kapedani, Drejtor i Përgjithshëm i Komanduar i DPPI dhe z. Aldi Molloholli, Drejtor Ekzekutiv i BCCA.
Kjo marrëveshje është nënshkruar në muajin Mars 2025.