Programi i Ekspertëve të Rinj të Organizatës Botërore të Pronësisë Intelektuale

Programi i Ekspertëve të Rinj të Organizatës Botërore të Pronësisë Intelektuale, WIPO-së (YEP) synon të përmirësojë dhe zgjerojë aftësitë e brezit të ardhshëm të drejtuesve globalë të Pronësisë Intelektuale (PI) për të ndihmuar në ndërtimin e ekosistemeve të inovacionit, në mbarë botën. Nëpërmjet këtij programi konkurrues 2 -vjeçar, 10 profesionistë të rinj dhe të talentuar do të punojnë drejtpërdrejt në iniciativat e ndryshme të WIPO-s. Programi ofron ekspozim ndaj aspekteve teknike dhe strategjike të PI-së, duke i lejuar pjesëmarrësit e YEP të fitojnë aftësi dhe njohuri, që mund të kontribuojnë në rritjen e ardhshme ekonomike të vendeve dhe rajoneve të tyre respektive. Kjo, është një mundësi unike për karrierën tuaj dhe një program lidershipi për jetën! YEP nuk synohet si një mjet për rekrutimin në WIPO, por për të rritur udhëheqësit e PI-së, të cilët më pas, mund të bëjnë ndryshimin në terren, në vende të ndryshme të botës. Si i tillë, dhe në përputhje me praktikën në programe të ngjashme, pjesëmarrësit në YEP nuk do të lejohen të aplikojnë për asnjë punësim në WIPO gjatë kohës së tyre si YEP. Ata që marrin pjesë, gjithashtu, nuk do të lejohen të punojnë në/ose për WIPO-n, në dy vitet pas përfundimit të pjesëmarrjes së tyre në YEP. ‼️ Informacione të rëndësishme për programin. Vendndodhja: Gjenevë, Zvicër Kohëzgjatja: 24 muaj Afati i aplikimit: 15 gusht Kërkesat: 1️⃣Maksimumi 35 vjeç, në momentin e dorëzimit të aplikimit; 2️⃣Në dispozicion për 24 muaj për vitin 2025 – 2026; 3️⃣Një diplomë universitare; 4️⃣Së paku 2 vjet përvojë, në fusha të ngjashme; Aftësi të shkëlqyera analitike, kërkimore dhe organizative; 5️⃣Aftësi të shkëlqyera komunikimi dhe ndërpersonale; 6️⃣Anglisht e folur dhe e shkruar shkëlqyeshëm; 7️⃣Njohuri ose përvojë në fushën e PI-së, inovacion ose kreativitet.

Për informacion të mëtejshëm, lutem, klikoni në link-un bashkëngjitur: https://www.wipo.int/en/web/working-at-wipo/young-experts-program