admin – Faqe 2 – Drejtoria e Përgjithshme e Pronësisë Industriale

Aktivitete të qendrës

Trajnim mbi Rolin e ISHMT-së në Mbrojtjen e të Drejtave të Pronësisë Industriale

Drejtoria e Përgjithshme e Pronësisë Industriale (DPPI), në bashkëpunim me Inspektoriatin Shtetëror të Mbikëqyrjes së Tregut (ISHMT) zhvilluan pranë Qendrës së Trajnimeve, me përfaqësues të autorizuar trajninim me titull “Roli i ISHMT-së në garantimin e të drejtave që burojnë nga mbrojtja e pronësisë industriale” me fokus:

Monitorimi dhe inspektimi i tregut rreth fushës së PI-së;

Rastet e cënimit të të drejtave të pronësisë industriale;

Masat ndëshkuese në rastet e cënimit.

Drejtori i Përgjithshëm i DPPI, vlerësoi maksimalisht bashkëpunimin ndër-institucional me ISHMT në terma afatgjatë, me qëllim promovimin dhe mbrojtjen e të drejtave të pronësisë Industriale duke synuar ofrimin e një konkurence të ndershme në tregun vendas.

DPPI mbetet e angazhuar në misionin e saj publik për t’i shërbyer çdo qytetari, biznesi apo grupi interesi për regjistrimin e çdo objekti të pronësisë industriale.

Trajnim i Thelluar për Studentët e Universitetit Luarasi në Fushën e Pronësisë Industriale

Aktivitete të qendrës

Trajnim i për Studentët e Universitetit Luarasi në Fushën e Pronësisë Industriale

Qendra e Trajnimeve, pranë Drejtorisë së Përgjithshme të Pronësisë Industriale mirëpriti studentët e Universitetit jo- publik, Luarasi në një trajnim më të thelluar rreth fushës së pronësisë industriale.

Përfaqësues të Sektorit të Promovimit, diskutuan me studentët e këtij universiteti rreth objekteve të pronësisë industriale rëndësisë së regjistrimit, mënyrën e aplikimit si dhe përfitimet ligjore që sjell regjistrimi i këtyre objekteve pranë drejtorisë sonë.

Studentëve i’u vendosën në dispozicion materiale promocionale si dhe module trajnimi ofruar nga Qendra.

Trajnimi u vlerësua nga studentet si një mundësi mjaft e mirë informimi dhe ndërgjegjësimi mbi fushën e Pronësisë Industriale dhe rëndësinë që ka kjo fushë.

Për të gjithë studentët dhe të interesuarit e fushës, Qendra e Trajnimeve pranë DPPI – së ofron informacione dhe trajnime më specifike dhe të thelluara mbi objektet e pronësisë industriale.

Fuqizimi i qendrës mbetet një nga prioritetet të drejtorisë sonë, ku një mbështetje e konsiderueshme do të jepet dhe nga projekti shqiptaro- zvicerian në fushën e pronësisë intelektuale (ALSIP).

Aktivitete të qendrës

Konsultim 3-ditor me përfaqësuesit e autorizuar mbi modulet e DPPI për trajnime në Pronësinë Industriale

Me përfaqësuesit e autorizuar ( një grup interesi shumë i rëndësishëm për Drejtorinë e Përgjithshme të Pronësisë Industriale), konsultuam në një cikël 3 ditor, modulet e përgatitura nga DPPI, që do të përdoren për trajnime specifike të dedikuara në fushën e Pronësisë Industriale pranë Qendrës së Trajnimeve.

Kjo qendër e krijuar me ndryshimet e reja ligjore në vitin 2017 është një strukturë e ngritur brenda institucionit me qëllim ofrimin e shërbimeve të specializuara dhe të thelluara për grupe të ndryshme interesi.

Fuqizimi dhe ngritja e kësaj qendre në standarte bashkohore ndërkombëtare mbetet një nga prioritetet e DPPI-së.

Bashkëpunimi me Përfaqësuesit e Autorizuar forcon dhe njëherë marrëdhënien konstruktive të ndërtuar prej vitesh midis dy palëve.

Në kuadër të aktiviteteve parashikuar për muajin e pronësisë Intelektuale, stafi i Drejtorisë së Përgjithshme të Pronësisë Industriale ishte pjesë e trajnimit mbi Treguesit Gjeografikë nga ekspertë të k

Aktivitete të qendrës

Trajnim mbi Treguesit Gjeografikë nga ekspertë të ALSIP për stafin e DPPI

Në kuadër të aktiviteteve parashikuar për muajin e pronësisë Intelektuale, stafi i Drejtorisë së Përgjithshme të Pronësisë Industriale ishte pjesë e trajnimit mbi Treguesit Gjeografikë nga ekspertë të kontraktuar nga projekti ALSIP.

Eksperti z.Roland Bardhi, shpjegoi në mënyrë më të detajuar mënyrat e regjistrimit, avantazhet, të drejtat ligjore, si dhe mbi zhvillimin ekonomik dhe kulturor që sjell regjistrimi i treguesve gjeografik.

Nuk munguan as ilustrimet me shembuj të marrë nga vendi ynë, rajoni apo më gjerë.

Ky trajnjm u zhvillua pranë Qendrës së Trajnimeve dhe pati mbështetjen e Projektit Shqiptaro – Zvicerian në fushën e Pronësisë Intelektuale ( ALSIP), si një ndër partnerët tanë në rrugëtimin e promovimit të fushës së pronësisë industriale.