Në datat 13-16 nëntor në mjediset e Hotel Tirana International u zhvillua Seminari kombëtar “IP Impact Certificate”, një bashkëpunim mes Akademisë WIPO, Zyrës Koreane të Pronësisë Intelektuale dhe Drejtorisë së Përgjithshme të Pronësisë Industriale të Shqipërisë për mësuesit e institucioneve të arsimit parauniversitar për rrethin e Tiranës.
Ky trajnim përfshinte:
-Katër ditë trajnim dhe seanca interaktive
-Akses në një kurrikul të përshtatur për arsimin fillor dhe të mesëm
-Vështrime dhe burime ekskluzive nga Akademia WIPO dhe ekspertët e saj
-Mundësi bashkëpunimi me 35 mësues
Çfarë do të arrinin mësuesit:
-Njohuri të thella se si të mësoni në mënyrë krijuese për pronësinë intelektuale
-Zhvilloni strategji praktike për të integruar pa probleme edukimin e IP në planet e mësimit
-Të bëhen pjesë e një komuniteti mbështetës të përkushtuar për avancimin e krijimtarisë në arsim.
Në fund të këtij trajnimi të gjithë mesuesit u pajisën me çertifika të lëshuara nga Akademia e Organizatës Botërore të Pronësisë Intelektuale (WIPO).
Është përmbyllur me sukses programi i parë i akselerimit me fokus fuqizimin e sipërmarrjeve përmes mbrojtjes së Pronësisë Intelektuale i realizuar në Shqipëri, IP4Startups!
Në një mbrëmje të një rëndësie të veçantë për shkak të pjesëmarrjes, të një niveli të lartë teknik dhe përfaqësuesish të drejtorive të inovacionit dhe startup, u bë edhe çertifikimi i 10 startup-ve fituese që për 2 muaj rresht kaluan në një trajnim intensive për Pronësinë Industriale.
Në fjalët përshëndetëse të znj. Maria Solis Kapedani, Drejtor i Drejtoria e Pergjithshme e Pronësisë Industriale Znj. Olga Allemann, Menaxhere e Projektit në Swiss Federal Institute of Intellectual Property dhe Z. Kushtrim Shala, Menaxheri i Projektit të IP4Startups, u theksua rëndësia e programit IP4Startups dhe ekspertëve të cilët dhanë kontributin e tyre të vyer në këtë program. Aktiviteti u nderua me pjesëmarrjen dhe fjalën e tyre të znj. Ledi Imeraj, Drejtor i Agjensisë së Inovacionit dhe Ekselencës, Z. Arjan Ymeri, drejtor i përgjithshem i Agjencise së Start upeve shkëlqesia e saj znj. Ruth Huber, Ambasadore e Zvicrës në Shqipëri.
Ky program u zbatua nga Drejtoria e përgjithshme e Pronësisë Industriale (DPPI) me mbështetjen e Projektit Shqiptaro-Zviceran për Pronësinë Intelektuale (ALSIP).
Kënaqësi të ishim në Universitetin Politeknik të Tiranës për të zhvilluar trajnimin me temë “Të njohim rëndësinë e disenjos industriale dhe përfitimet që sjell regjistrimi i saj” me studentë të Departamentit të Tekstilit dhe të Arkitekturës.
Së bashku me përfaqësues të Drejtorisë për të Drejtën e Autorit dhe Inspektoriatit Shtetëror të Mbikqyrjes së Tregut diskutuam mbi konceptet kryesore mbi fushën e pronësisë industriale dhe të drejtën e autorit, cila është rëndësia e regjistrimit të një disenjo industriale përfitimet që sjell ajo, si dhe masat administrative që merren në raste të shkeljeve të të drejtave të pronësisë intelektuale.
Institucionet e Arsimit të Lartë (IAL) mbeten në fokusin kryesor të Drejtorisë së Pergjithshme të Pronësisë Industriale, duke i konsideruar si një nga partnerët tanë kryesorë për ndergjegjësimin e brezave të rinj në zhvillimin e inovacionit, teknologjisë dhe inkurajimin në punë shkencore.
Pranë Universitetit të Politeknik të Tiranës, me të cilët kemi nënshkruar një Marrëveshje Bashkëpunimi, është ngritur dhe një Qendër Informacioni në dispozicion të studentëve.
Theksojmë se bashkëpunimi me këtë institucion arsimor është për tu vlerësuar. Me mbylljen e thirrjes se EPO-s, në kuadër të programit Pan European Seal aplikuan 20 studentë nga ky Universitet. Nderkohë, në Mynih dhe Hagë kemi 4 studentë që u përzgjodhën në vitin 2023 dhe kanë filluar internshipin në shtator 2023 pranë Zyrës Europiane të Patentave.
Drejtoria e Përgjithshme e Pronësisë Industriale sëbashku me Drejtorinë e së Drejtës së Autorit, në kuadër të marrëveshjes së bashkëpunimit midis DPPI-së dhe Akademisë së Shkencave të Shqipërisë, zhvilluan sot një takim të përbashkët për të diskutuar çështje që lidhen me ndërgjegjësimin dhe regjistrimin e objekteve të pronësisë intlektuale.
Qëllimi i këtij takimi ishte gjetja e strategjive stimuluese, veçanërisht në lidhje me rritjen e numrit të aplikimeve për patenta për shpikje, si një shtysë drejt kërkimit shkencor dhe inovacionit.
Me interes në këtë takim ishte informimi konkret mbi mbrojtjen e shpikjeve nëpërmjet patentave dhe modeleve të përdorimit, procedurat e regjistrimit për mbrojtjen kombëtare dhe ndërkombëtare të shpikjeve, si dhe mbrojten e të drejtave të autorit mbi punën kërkimore, shkencore dhe letrare të tyre.
Ky aktivitet u prit me entuziazëm nga përfaqësia akademike, të cilët morën pjesë aktivisht në diksutimet e hapura dhe shprehën interesin për vazhdimësinë e takimeve të këtij lloji në të ardhmen.
Në kuadër të Ditës Botërore të Pronësisë Intelektuale 26 Prill, përfaqësues nga Drejtoria e Përgjithshme e Pronësisë Industriale (DPPI), zhvilluan me studentet e Institutit Kanadez të Teknologjisë një orë të hapur leksioni me teme: “Të njohim pronësinë intelektuale, rëndësinë e saj në nxitjen e inovacionit tek studentët”. Fokusi i leksionit padyshim mbetej informimi mbi përfitimet, avantazhet dhe të drejtat ligjore që sjell regjistrimi i objekteve të PI-së. Gjithashtu patëm mundësi që me studentët e këtij Instituti të zhvillonim diskutime të hapura lidhur me idetë inovative me potential të mundshëm patentimi.
Angazhimi i DPPI-së është tregues i vëmendjes që kemi ndaj brezave të rinj për të nxitur zhvillimin në fushën e shkencës, teknologjisë dhe inkurajimit në punën shkencore.
Rektori i Universitetit “Epoka” z. Ahmet Öztaş mirëpriti sot në ambjentet e universitetit përfaqësues nga Drejtoria e Përgjithshme e Pronësisë Industriale (DPPI) për të biseduar nga afër mbi nisamt që Dppi ndërmerr me në fokus arsimin dhe studentët.
Rektori shprehu vlerësimin e tij për vëmendjen që i kushtohet gjeneratës së re si dhe vijimin e mëtejshëm të bashkëpunimit ndërmjet dy institucioneve tona.
Gjatë takimit në këtë universitet patëm kënaqësin të zhvillonim dhe një orë të hapur leksioni me tematike: “Kreativiteti dhe inovacioni tek brezat e rinj”. Studentë të profileve të ndryshme nga ky universitet ndoqën me kureshtje dhe u njohën nga afër me fushën e pronësisë intelektuale, degët e saj, institucionet përgjegjëse në rastet e cënimit të të drejtave dhe mbi rëndësinë e regjistrimit të objekteve të saj. Këto takime zhvillohen në kuadër të Marrëveshjes së Bashkëpunimit që institucioni ynë ka nënshkruar me Universitetin “Epoka”.
Vemendja jonë ështe drejtuar drejt arsimit dhe studentëve për informimin e tyre në lidhje me fushën e pronësisë industriale dhe inkurajimin në punët kërkimore dhe shkencore. Në kuadër të Ditës Botërore të Pronësisë Intelektuale, DPPI ka planifikuar një kalendar të ngjeshur aktivitetesh që do të zhvillojë përgjatë gjithë muajit Prill.
Është nënshkruar sot marrëveshja e bashkëpunimit ndërmjet Drejtorit të Përgjithshëm të Komanduar të Drejtorisë së Përgjithshme të Pronësisë Industriale znj. Maria Solis Kapedani dhe Rektorit të Kolegjit Universitar Logos z. Ilia Ninka.
Qëllimi i kësaj marrëveshjeje është promovimi i pronësisë industriale nëpërmjet shkëmbimit të informacioneve midis dy institucioneve, informimin dhe sensibilizimin e studentëve, stafit akademik shkencor, shpikësve, profesionistëve të përfshirë në punë kërkimore shkencore lidhur me rëndësinë e mbrojtjes së të drejtave të pronësisë industriale.
Në vijim të kësaj Marrëveshje Bashkëpunimi, Drejtoria e Përgjithshme e Pronesisë Industriale do të organizojë konferenca të përbashkëta, leksione të hapura, seminare, sesione trajnimesh (workshops), dhe të ofrojë për studentët, trajnime brenda dhe jashtë vendit, internshipe, pranë mjediseve të DPPI-së ose Kolegjit Universitar Logos.
Në kuadër të Ditës Botërore të Pronësisë Intelektuale 26 Prill, përfaqësues nga Drejtoria e Përgjithshme e Pronësisë Industriale (DPPI), zhvilluan me studentet e Institutit Kanadez të Teknologjisë një orë të hapur leksioni me teme: “Të njohim pronësinë intelektuale, rëndësinë e saj në nxitjen e inovacionit tek studentët”. Fokusi i leksionit padyshim mbetej informimi mbi përfitimet, avantazhet dhe të drejtat ligjore që sjell regjistrimi i objekteve të PI-së. Gjithashtu patëm mundësi që me studentët e këtij Instituti të zhvillonim diskutime të hapura lidhur me idetë inovative me potential të mundshëm patentimi.
Angazhimi i DPPI-së është tregues i vëmendjes që kemi ndaj brezave të rinj për të nxitur zhvillimin në fushën e shkencës, teknologjisë dhe inkurajimit në punën shkencore.
Nënshkruhet Marrëveshja e Bashkëpunimit midis Drejtorisë së Përgjithshme të Pronësisë Industriale, përfaqësuar nga Drejtori i Përgjithshëm znj. Rovena Beqiraj dhe Universitetit “Eqerem Çabej” përfaqësuar nga Rektori Z. Bektash Mema.
The purpose of signing this agreement is the establishment of the Technical-Scientific Information Center at this university, educating young people in the field of industrial property by encouraging creativity and innovation, as well as the development of joint activities such as seminars, conferences, exhibitions, and various trainings aimed at raising awareness among students, academic staff, and research-scientific staff about the role of protecting rights over inventions in the development of science and technology in the country.
On this occasion, the representatives of the DPPI offered an informative lecture in the field of intellectual and industrial property, focusing primarily on patents for inventions.
Gjithashtu studentët u njohën me ESPASNET – një motor kërkimi në gjuhën shqipe, (bërë i mundur nga bashkëpunimi me Zyrën Europiane të Patentave)ku studentët mund të kërkojnë për shpikje të ndryshme sipas fushave, kërkim i cili mund tu shërbejë për punimet e tyre të diplomës.
Me datë 29.4.2024 në ambjentet e Fakultetit të Drejtësisë, Universiteti i Tiranës, Drejtoria e Përgjithshme e Pronësisë Industriale (DPPI), në bashkëpunim me Inspektoratin Shtetëror të Mbikëqyrjes së Tregut, Drejtorinë për të Drejtën e Autorit (DDA) si dhe profesorë të Fakultetit të Drejtësisë, zhvilluan një leksion të hapur mbi “Kuadri ligjor në fushën e pronësise intelektuale si dhe raste konkrete nga praktika shqiptare”.
Zv.Dekani, Prof.Jonad Bara, pasi përshëndeti organizimin e këtij aktiviteti, vlerësoi rëndësinë e Pronësisë Intelektuale dhe rolin e institucioneve në garantimin dhe mbrojtjen e saj. Në kuadër të bashkëpunimit të vazhdueshëm me këto institucione dhe nxitjes së punësimit për studentët, Zv.Dekani u shpreh optimist për nënshkrimin në të ardhmen të një marrëveshjeje bashkëpunimi me Drejorinë e Përgjithshme të Pronësisë Industriale. Përgjegjësi i Sektorit Ligjor pranë DPPI, Z.Përparim Mezini, paraqiti përpara studentëve një prezantim mbi Pronësinë Industriale, rëndësinë dhe prioritetin që po merr për shpikësit, krijuesit dhe sipërmarrësit e rinj. Z.Mezini trajtoi më në veçanti markat tregtare dhe rëndësinë e tyre për bizneset që operojnë kudo në botë.
Pjesë e panelit ishte dhe përgjegjësja e Sektorit të Pronësisë Intelektuale pranë Inspektoratit Shtetëror të Mbikëqyrjes së Tregut, Znj.Rezarta Rajtja. Znj.Rajtja u shpreh se ky institucion është përgjegjës për inspektimin në fushën e sigurisë së produkteve jo ushqimore për përdorim nga konsumatorët dhe fushën e pronësisë intelektuale. Përveç rolit të këtij institucioni në marrjen e masave administrative për shkelësit e të drejtave, ajo theksoi se janë vetë mbajtësit e të drejtave që vënë në lëvizje organin administrativ.
Nga ana tjetër përfaqësuesi i Drejtorisë së të Drejtës së Autorit, pranë Ministrisë së Kulturës, Z.Emiljano Alla, trajtoi në mënyrë të përmbledhur Ligjin “Për të Drejtën e Autorit dhe tё drejtat e tjera tё lidhura me to”, duke ndalur tek objekti i këtij ligji, subjeket dhe fushën e zbatimit, si dhe detyrat dhe përgjegjësitë e Drejtorisë për të Drejtën e Autorit(DDA) në vendosjen e masave administrative dhe penale ndaj shkelësve të ligjit.
Znj. Xhesika Lulaj, nga Drejtoria e Përgjithshme e Pronësisë Industriale, solli në vëmendje të studentëve raste të praktikës gjyqësore, ku janë konstatuar konflikte në regjistrimin e markave tregtare, si dhe informoi mbi procedurën e ankimit në rast të cënimit të së drejtës së një subjekti, organet kompetente etj.
Leksioni i hapur i mbajtur në Fakultetin e Drejtësisë, nën drejtimin e Dr.Etlon Peppo, ishte një mënyrë e promovimit dhe rritjes së ndërgjegjësimit të studentëve mbi rëndësinë e pronësisë intelektuale dhe masave që parashikon legjislacioni vendas për mbrojtjen e saj.
