Në përputhje me ligjin nr. 84/2016 “Për Rivlerësimin Kalimtar të Gjyqtarëve dhe Prokurorëve në Republikën e Shqipërisë, nenit 7 të ligjit nr. 119/2014 “Për të drejtën e informimit” (LDI) dhe “Programit model të Transparencës të rishikuar” miratuar me urdhrin nr. 187, datë 18.12.2020, të Komisionerit për të Drejtën e Informimit dhe Mbrojtjen e të Dhënave Personale, është përgatitur Programi i Transparencës për Drejtorinë e Përgjithshme të Pronësisë Industriale. Nëpërmjet këtij programi synohet që Kolegji i Posaçëm i Apelimit të ndërtojë dhe rrisë transparencën gjatë procesit për rivlerësimin kalimtar të subjekteve të rivlerësimit. Programi i Transparencës do të përditësohet periodikisht, në përputhje me nenin 5 të LDI-së. Informacioni i publikuar në këtë program synon të bëjë transparencën e veprimtarisë së punës së këtij institucioni nëpërmjet pasqyrimit të detajuar në faqen zyrtare www.dppi.gov.al. Programi i Transparencës pasqyrohet në rubrika, duke ofruar informacionin e nevojshëm të strukturuar në mënyrë të tillë, që të jetë lehtësisht i aksesueshëm dhe i kuptueshëm. Në përmbajtje të Programit të Transparenës pasqyrohen menutë dhe nënmenutë me përshkrimet dhe materialet respektive që i bashkangjiten dokumentit në faqen zyrtare në internet. Në rubrikat e faqes zyrtare pasqyrohen edhe informacione që karakterizohen nga kufizime të identifikimit të të dhënave personale për shkak të ruajtjes së privatësisë së individëve/subjekteve të të dhënave etj. Skema e publikimit paraqitet nëpërmjet strukturës përmbledhëse të evidentuar në këtë program.