![](https://dppi.gov.al/wp-content/uploads/2021/12/263788988_1555225108165310_7648565442622953474_n.jpg)
Në kuadër të bashkëpunimit shumë-vjeçar midis Drejtorisë së Përgjithshme të Pronësisë Industriale dhe Organizatës Botërore të Pronësisë Intelektuale (WIPO) u zhvillua “Workshop-in mbi respektimin e të drejtave të pronësisë intelektuale për sistemin e drejtësisë dhe institucionet e tjera ligjzbatuese”.
Drejtori i Përgjithshëm i DPPI-së, znj. Ledina Beqiraj, pasi përshëndeti aktivitetin, theksoi arritjet kryesore te institucionit kryesisht në kuadrin ligjor në fushën e pronësisë industriale.
Në fjalën e saj znj. Beqiraj falenderoi në mënyrë të veçantë, znj. Virag Halgand, të Organizatës Botërore të Pronësisë Intelektuale (WIPO) e cila ka qenë një faktor i rëndësishëm në shumë procese dhe projekte të rëndësishme ku DPPI është përfshirë.
Aktiviteti u përshëndet gjithashtu nga Drejtori i Shkollës së Magjistraturës z. Arben Rakipi, duke theksuar rolin e shkollës në trajnimin e vazhdueshëm të magjistratëve të rinj në lidhje me të drejtat e pronësisë intelektuale.
Pjesë e panelit isht prof. Mariana Semini -Tutulani, e cila ka hartuar dhe përshtatur “Manualin e parë në gjuhën shqipe, e dedikuar për prokurorë e gjyqtarë, për veprat penale që lidhen me cënimin e të drejtave të pronësisë intelektuale”, manual i përgatitur me mbështetjen e WIPOs.
I ftuar në panel dhe z. Erarbër Madhi, gjyqtar në Gjykatën Administrative i solli eksperiencën e tij në kontekstin e gjyqësorit.
Në fjalën e saj, znj. Semini solli një panoramë të përgjithshme të manualit duke e ilustruar me raste konkrete nga praktika e gjyqësorit.
Manuali është shpërndarë nga përfaqësuesit e DPPI-së, në Gjykatat dhe Prokuroritë e Rretheve, si dhe është promovuar në mediat kryesore si një botim i munguar dhe rëndësinë që ka për institucionet ligjzbatuese.
Workshopi u mbyll me prezantimet e z. Thomas Dillon, WIPO dhe z. Luciano Dafarro, fokusuar te pirateria online dhe direktiva e zbatimit 2004/48.
![264100677_1555225054831982_2126312213275693211_n 264100677_1555225054831982_2126312213275693211_n](https://dppi.gov.al/wp-content/uploads/2021/12/264100677_1555225054831982_2126312213275693211_n-1200x760.jpg)
![263969194_1555225164831971_4633195607554113587_n 263969194_1555225164831971_4633195607554113587_n](https://dppi.gov.al/wp-content/uploads/2021/12/263969194_1555225164831971_4633195607554113587_n-1200x760.jpg)
![263900031_1555225124831975_2710177269963783557_n 263900031_1555225124831975_2710177269963783557_n](https://dppi.gov.al/wp-content/uploads/2021/12/263900031_1555225124831975_2710177269963783557_n-1200x760.jpg)
![263809023_1555225151498639_5958974013432194490_n 263809023_1555225151498639_5958974013432194490_n](https://dppi.gov.al/wp-content/uploads/2021/12/263809023_1555225151498639_5958974013432194490_n-1200x760.jpg)
![263804862_1555225074831980_6803832910563722650_n 263804862_1555225074831980_6803832910563722650_n](https://dppi.gov.al/wp-content/uploads/2021/12/263804862_1555225074831980_6803832910563722650_n-1200x760.jpg)