![](https://dppi.gov.al/wp-content/uploads/2022/05/279347764_1649699988717821_2189824932780783478_n.jpg)
Eshtë zhvilluar në Tiranë, Konferenca Kombëtare e Pronësisë Intelektuale nën sloganin “Pronësia Intelektuale dhe Rinia – Inovacion për një të ardhme më të mirë”.
Drejtori i Përgjithshëm i DPPI Znj. Rovena Beqiraj mirëpriti të gjithë të ftuarit në këtë ditë të rëndësishme që i dedikohet krijimarisë së mendjes njerëzore dhe rinisë duke vlerësuar rolin dhe kontributin e të gjithë aktorëve të fushës. Të pranishëm për të dhënë mesazhe të rëndësishme për Rininë ishin Zv. Ministri i Financave dhe Ekonomisë, z. Besart Kadia, kryetarit të Bashkisë z. Erjon Veliaj, ambasadorit të Zvicrës z. Adrian Maitre, si dhe me pjesëmarrjen e veçantë të Institucioneve Ligjzbatuese të Republikës së Kosovës konkretisht nga Agjencia për Pronësi Industriale, Zyra për të Drejtat e Autorit dhe Drejtoria e Doganës.
Në panelin e dytë në nivel teknik patëm mundësinë të ndiqnim fjalën e DP, Znj. Rovena Beqiraj ku ndau me të ftuarit rëndësinë e kësaj dite por dhe iniciativat dhe bashkëpunimet e DPPI me Institucionet e Arsimit të Lartë në Shqipëri. Më tej Znj. Zjarrta Osmani zyrtare e Zyrës për të Drejtat e Autorit në Republikën e Kosovës prezantoi situatën aktuale tësistemit të të drejtave të pronësisë intelektuale nê vend.
Eventi vijoi sipas axhendës me prezantime të tjera të rëndësishme, nga Drejtoria për të Drejtën e Autorit, znj. Borana Ajazi, Agjencia për Kërkim Shkencor dhe Inovacion znj. Mira Muça dhe prezantimi i librit të Znj. Albana Laknori, ” Pronësia Intelektuale dhe Sipërmarrja”.
Të një rëndësie dhe interesi të veçantë ishim prezantimet e dy ekspertëve të huaj të Zyrës Europiane të Patentave z. Pierre Treichel dhe z. Ilja Rudyk, ku ndanë me të ftuarit rëndësinë e sistemit të patentave Unitare si dhe rolin që luajnë Industritë e të Drejtave të Pronësisë Intelektuale në zhvillimin social ekonomik të vendit.
Aktiviteti u bë i mundur më mbështetjen e vazhdueshme të Zyrës Europiane të Patentave ( EPO) si një partner shumë i rëndësishëm në fushën e patentave.
Ky event përmbylli ciklin e të gjitha aktiviteteve të planifikuara dhe të zhvilluara përgjatë muajit Prill, konsideruar si muaji i pronësisë intelektuale.
![279308611_1649699985384488_2748337307582790579_n 279308611_1649699985384488_2748337307582790579_n](https://dppi.gov.al/wp-content/uploads/2022/05/279308611_1649699985384488_2748337307582790579_n-1200x760.jpg)
![279042768_1649702662050887_7833776774871805954_n 279042768_1649702662050887_7833776774871805954_n](https://dppi.gov.al/wp-content/uploads/2022/05/279042768_1649702662050887_7833776774871805954_n-1200x760.jpg)
![279038924_1649702925384194_4402551240265487015_n 279038924_1649702925384194_4402551240265487015_n](https://dppi.gov.al/wp-content/uploads/2022/05/279038924_1649702925384194_4402551240265487015_n-1200x760.jpg)
![279029054_1649703048717515_6313428159817783682_n 279029054_1649703048717515_6313428159817783682_n](https://dppi.gov.al/wp-content/uploads/2022/05/279029054_1649703048717515_6313428159817783682_n-1200x760.jpg)
![279027494_1649703938717426_2041580991527372028_n 279027494_1649703938717426_2041580991527372028_n](https://dppi.gov.al/wp-content/uploads/2022/05/279027494_1649703938717426_2041580991527372028_n-1200x760.jpg)
![279027134_1649703742050779_2497311080015780982_n 279027134_1649703742050779_2497311080015780982_n](https://dppi.gov.al/wp-content/uploads/2022/05/279027134_1649703742050779_2497311080015780982_n-1200x760.jpg)
![279020180_1649702958717524_3409235660809899897_n (1) 279020180_1649702958717524_3409235660809899897_n (1)](https://dppi.gov.al/wp-content/uploads/2022/05/279020180_1649702958717524_3409235660809899897_n-1-1200x760.jpg)